Ċentru stampa

Segretarjat Ġenerali

Fejn ninsabu

Brussell

Bini Justus Lipsius
Rue de la Loi/Wetstraat 175

Il-Lussemburgu

Ċentru Ewropew għall-Konvenzjonijiet, Lussemburgu
Rue Fort Thüngen, 2

Iċ-ċentru stampa prinċipali tal-Kunsill jinsab fil-kwartieri ġenerali tiegħu fi Brussell. Dan jospita sessjonijiet ta' tagħrif u konferenzi stampa u jipprovdi faċilitajiet ta' ħidma għall-ġurnalisti.

F'April, Ġunju u Ottubru, il-Kunsill jiltaqa' fil-Lussemburgu fejn hemm disponibbli faċilitajiet simili għall-istampa.

Ħinijiet tal-ftuħ 

Fi Brussell: Mit-Tnejn sal-Ġimgħa, mis-7.30 sas-19.00.

Fil-ġranet meta jsiru l-laqgħat tal-Kunsill, iċ-ċentru stampa jkun miftuħ għal mill-inqas sagħtejn wara tmiem l-aħħar konferenza stampa. Il-ħinijiet tal-ftuħ taċ-ċentru jitwalu matul il-laqgħat tal-Kunsill Ewropew u summits internazzjonali.

Il-bar tal-istampa jkun miftuħ matul il-laqgħat u s-summits tal-Kunsill u l-laqgħat ta' informazzjoni għall-istampa.

Fil-Lussemburgu: Iċ-ċentru stampa jkun miftuħ biss meta jiltaqa' l-Kunsill mis-7.30 sa mill-inqas sagħtejn wara tmiem l-aħħar konferenza stampa.

Akkreditazzjoni

Il-ġurnalisti jeħtieġu akkreditazzjoni biex jidħlu fil-bini tal-Kunsill u jużaw il-faċilitajiet ipprovduti.

Aċċess

Iċ-ċentru stampa hu miftuħ għal ġurnalisti akkreditati.

Id-delegazzjonijiet tal-istati membri u tal-pajjiżi kandidati għandhom aċċess għaċ-ċentru stampa. Uffiċjali, diplomatiċi u viżitaturi oħra jista' wkoll ikollhom aċċess taħt ċerti kondizzjonijiet, skont xi jkun qed iseħħ fiċ-ċentru stampa.

Faċilitajiet

Il-ġurnalisti jistgħu jużaw:

  • studios tat-TV u tar-radju
  • kmamar għall-editjar
  • skrivaniji bil-broadband
  • konnessjoni WiFi
  • konnessjoni tat-telefon u l-ISDN
  • fotokopjaturi
  • CCTV
  • lokers

Għal-laqgħat tal-Kunsill Ewropew jingħataw aktar faċilitajiet, b'aktar minn 1000 spazju tax-xogħol disponibbli.