Inimirce agus Tearmann

Eoraip ina mbeidh freagracht, dlúthpháirtíocht agus comhpháirtíocht maidir le hábhair a bhaineann le himirce agus le tearmann


Ionad d'iarrthóirí tearmainn i Málta

Faoi chuimsiú Chlár Tampere, ghlac an Chomhairle sraith treorach is ionann agus comhrialacha inimirce (mar shampla Treoir 2003 maidir le ceart chun athaontú teaghlaigh). Ó thaobh tearmainn de, beidh an cuspóir ginearálta céanna i gceist leis na Treoracha maidir le coinníollacha fáiltithe, le nósanna imeachta i ndáil le deontais, leis an meastóireacht agus le Rialachán Bhaile Átha Cliath: páirc imeartha chothrom a áirithiú maidir le tearmann agus dúshraitheanna a leagan síos do Chomhchóras Eorpach Tearmainn. Beartaítear le Clár Stócólm rialachán éifeachtach maidir le hinimirce agus leis an dlí ar thearmann Eorpach a bheidh níos comhtháite agus níos cothroime.

■ Beartas imirce dinimiciúil agus cuimsitheach

I gcomhthéacs na ndúshlán déimeagrafach a bheidh roimh an Aontas sa todhchaí, cuirfidh beartais sholúbtha inimirce go mór le forbairt eacnamaíoch an Aontais agus le feidhmíocht an Aontais san fhadtéarma. Beidh an t-idirnasc idir an imirce agus an t-imeascadh fíorthábhachtach i ndáil le luachanna bunúsacha an Aontais. Tá gníomhaíocht an AE bunaithe ar na prionsabail atá leagtha amach sa Chur Chuige Domhanda maidir le hImirce agus sa Chomhaontú Eorpach um Inimirce agus um Thearmann le gníomhaíocht an AE. Ní mór cothromaíocht a choinneáil idir thrí réimse an Chur Chuige Domhanda:

Beartaítear le Clár Stócólm rialúchán éifeachtach maidir le hinimirce agus leis an gCeart um Thearmann Eorpach a bheidh níos comhtháite agus níos cothroime.
Beidh an t-idirnasc idir an imirce agus an t-imeascadh fíorthábhachtach i ndáil le luachanna bunúsacha an Aontais.
Ní mór go mbeidh comhordú níos fearr idir na bearta imirce agus na bearta forbartha.
  • an tsoghluaisteacht agus an imirce dhlíthiúil a chur chun cinn,
  • barrfheabhas a chur ar an nasc idir an imirce agus an fhorbairt agus
  • an inimirce neamhdhlíthiúil a chomhrac.

 

Ní mór go mbeidh comhordú níos fearr idir na bearta imirce agus na bearta forbartha. Chun na críocha sin, beartaítear go háirithe feabhas a chur ar chóras aistrithe airgid na n oibrithe inimirce ar an leibhéal Eorpach. Ba cheart go spreagfadh an tAontas cruthú córas iontrála solúbtha lena bhfreagrófar do riachtanais na mBallstát agus lena gcuirfear ar chumas na n-imirceach lántairbhe a bhaint as a scileanna agus a n-inniúlachtaí, chun meaitseáil níos fearr ó thaobh an tsaothair de a chur chun cinn ar mhargaí Eorpacha an tsaothair. Ba cheart don Aontas a áirithiú go gcaithfear go cothrom le náisiúnaigh ó thríú tíortha a bhfuil cónaí dlíthiúil orthu ar chríoch a Bhallstát. Ba cheart go mbeadh sé d’aidhm ag beartas imeasctha níos láidre cearta agus oibleagáidí a dheonú do na daoine sin a bheidh inchomparáide leis na cearta agus leis na hoibleagáidí atá ag saoránaigh an Aontais. Le comhar Eorpach, féadfar cur le beartais níos éifeachtaí um imeascadh sna Ballstáit trí dhreasachtaí agus trí thacaíocht a chur ar fáil dá ngníomhaíocht.
An comhrac i gcoinne na gáinneála ar dhaoine agus i gcoinne daoine a smuigleáil, bainistiú comhtháite teorainneacha agus comhar idir tíortha tionscnaimh agus tíortha idirthurais, arna dtacú ag comhar póilíneachta agus breithiúnais, caithfidh siad a bheith i gcónaí ina bpríomh thosaíochtaí. Tá sé tábhachtach a áirithiú go ndéanfar monatóireacht ar chur chun feidhme na n ionstraimí a glacadh i réimse an fhillidh agus i réimse na smachtbhannaí i gcoinne na bhfostóirí, agus ar na comhaontuithe um athligean isteach atá i bhfeidhm chun a áirithiú go gcuirfear i bhfeidhm go héifeachtach iad. Is grúpa leochaileach ar leith iad mionaoisigh neamhthionlactha a thagann ó thríú tíortha chuig na Ballstáit, grúpa a n-éilítear aird speisialta agus freagairtí tiomnaithe ina leith.

■ Tearmann: limistéar comhchoiteann ina dtairgfear cosaint agus dlúthpháirtíocht

Ní mór don Chomhchóras Eorpach Tearmainn (CET) a bheith bunaithe ar ardchaighdeáin chosanta, lena gcuirfear cosc ar mhí-úsáid. Táthar ag súil le glacadh an CET faoi dheireadh 2012.

Comhoibreoidh an tAontas le tríú tíortha ina bhfuil daonraí móra teifeach.

Ba cheart go ndéanfadh an Oifig Eorpach Tacaíochta do Chúrsaí Tearmainn (EASO) clár oibre comhchoiteann oideachais a fhorbairt tuilleadh d’oifigigh náisiúnta tearmainn, ar clár oibre é lena gcuirfear leis an gCuraclam Eorpach um Thearmann (CET).

Ba cheart dlúthpháirtíocht éifeachtach a chur chun cinn leis na Ballstáit atá faoi bhrú. Ba cheart forbairt a dhéanamh ar na meicníochtaí le haghaidh freagracht a roinnt ar bhealach deonach agus comhordaithe idir na Ballstáit.

Comhoibreoidh an tAontas le tríú tíortha ina bhfuil daonraí móra teifeach. Ba cheart go mbeadh páirt iomlán ag an EASO i ngnéithe seachtracha an CET. Agus é ag déileáil leis na tríú tíortha, tá an fhreagracht ar an Aontas freisin béim a chur ar a thábhachtaí atá sé aontú do Choinbhinsiún na Ginéive 1951 agus dá phrótacal, chomh maith le hiad a chur chun feidhme.