Ugwaljanza bejn is-sessi fl-UE: il-Kunsill jadotta konklużjonijiet

Illum il-Kunsill adotta konklużjonijiet dwar ekonomiji li jiffavorixxu l-ugwaljanza bejn is-sessi fl-UE, li għandhom jikkontribixxu għall-istrateġija dwar l-ugwaljanza bejn is-sessi tal-Kummissjoni l-ġdida. Il-konklużjonijiet, li ġew abbozzati fi ħdan il-qafas tar-rieżami annwali tal-implimentazzjoni tal-aġenda tan-NU għall-ugwaljanza bejn is-sessi u t-tisħiħ tal-pożizzjoni tan-nisa mill-UE u l-istati membri tagħha (Dikjarazzjoni ta' Beijing u Pjattaforma għall-Azzjoni, adottati fl-1995), jirrikonoxxu l-progress miksub mill-UE f'ċerti oqsma, bħall-adozzjoni tad-direttiva dwar il-bilanċ bejn ix-xogħol u l-ħajja privata, is-sehem akbar tan-nisa fuq il-bordijiet ta' kumpaniji kbar u l-għadd iżgħar ta' nisa u rġiel fir-riskju tal-faqar jew l-esklużjoni soċjali. Fl-istess ħin, il-konklużjonijiet jappellaw lill-istati membri u lill-Kummissjoni biex jippromwovu aktar l-ugwaljanza bejn is-sessi bħala prijorità politika u permezz ta' miżuri konkreti.

• It-test sħiħ tal-konklużjonijiet