Ceapachán bhord feidhmiúcháin an Bhainc Ceannais Eorpaigh

Is í an Chomhairle Eorpach a cheapann bord feidhmiúcháin an Bhainc Ceannais Eorpaigh (BCE) i gcomhdhéanamh an limistéir euro trí thromlach cáilithe treisithe.

Nós imeachta ceapacháin do chomhaltaí bhord feidhmiúcháin BCE

1

Togra

Molann Ballstáit an limistéir euro iarrthóirí.
2

Plé

Déanann an Grúpa Euro iarrthóir a phlé agus a chomhaontú.
3

Moladh

Glacann an Chomhairle moladh chuig an gComhairle Eorpach maidir leis an gceapachán.
4

Comhairliúchán

Téann an Chomhairle Eorpach i gcomhairle le Parlaimint na hEorpa agus le comhairle rialaithe BCE.
5

Tuairimí

Glacann BCE agus Parlaimint na hEorpa a dtuairimí.
6

Ceapachán

Glacann an Chomhairle Eorpach an cinneadh ceapacháin.

Ról na Comhairle Eorpaí sa cheapachán

Ceapann an Chomhairle Eorpach seisear comhaltaí an bhoird feidhmiúcháin, lena n-áirítear an tUachtarán agus an Leas-Uachtarán.

Déanann sí a cinneadh ar bhonn moladh ón gComhairle agus tar éis di dul i gcomhairle le Parlaimint na hEorpa agus le comhairle rialaithe BCE.

Cinneann an Chomhairle Eorpachi gcomhdhéanamh an limistéir euro trí thromlach cáilithe treisithe. Ós rud é go bhfuil 21 thír sa limistéar euro faoi láthair, ciallaíonn sé sin:

ní mór do 16 thír ar a laghad vótáil i bhfabhar
ní mór 65 % ar a laghad de dhaonra an limistéir euro a bheith sna tíortha sin

Tá an nós imeachta seo leagtha síos in Airteagal 283 den Chonradh ar Fheidhmiú an Aontais Eorpaigh (CFAE).

Ról na Comhairle Eorpaí i ndáil le hainmniúcháin agus ceapacháin a dhéanamh

Incháilitheacht agus téarmaí oifige an bhoird

Ní mór do chomhaltaí bhord feidhmiúcháin BCE ceanglais incháilitheachta shonracha a chomhlíonadh agus fónamh do théarmaí oifige sainithe.

Téarma oifige

Ceapachán ar feadh téarma 8 mbliana

Sainordú neamh-inathnuaite

Critéir incháilitheachta

Caithfidh an comhalta a bheith ina náisiúnach de Bhallstát sa limistéar euro

Caithfidh gradam agus taithí ghairmiúil aitheanta a bheith ag an gcomhalta i réimsí airgeadaíochta nó baincéireachta

Bord Feidhmiúcháin BCE

Ar bhord feidhmiúcháin BCE tá an t-uachtarán, an leas-uachtarán agus ceithre chomhalta eile, agus ceaptar iad go léir ar feadh téarma neamh-inathnuaite ocht mbliana.

An 19 Márta 2026, cheap an Chomhairle Eorpach Boris Vujčić ina Leas-Uachtarán ar an mBanc Ceannais Eorpach. Chuaigh sé i mbun oifige an 1 Meitheamh 2026, i gcomharbacht ar Luis de Guindos.