Úsáidimid fianáin lena chinntiú go mbíonn an t-eispéireas brabhsála is fearr is féidir agat ar shuíomh gréasáin na Comhairle. Úsáidtear fianáin áirithe chun staidreamh comhiomlánaithe a fháil maidir le cuairteanna ar an suíomh chun cabhrú linn an suíomh a shíor-fheabhsú ionas gur fearrde an freastal a dhéanaimid ar do chuid riachtanas. Úsáidtear fianáin eile chun cur le feidhmíocht an tsuímh gréasáin agus a shlándáil a chinntiú.
Le cead uaitse, úsáidfimid fianáin idirlín AT le sonraí comhlánaithe anaithnide a tháirgeadh maidir le brabhsáil agus iompar na gcuairteoirí ar ár suíomh gréasáin. Úsáidfimid na sonraí seo chun feabhas a chur ar eispéireas agat ar ár suíomh.
Le thuilleadh eolais a fháil ar na fianáin seo, mar a úsáidimid iad agus an chúis go n-úsáidimid iad agus conas do shocruithe a athrú, seiceáil leathanach ár mbeartais fianán.
Is féidir Uachtarán na Comhairle Eorpaí a leanúint ar:
Is í an Chomhairle Eorpach a shainíonn treoir agus tosaíochtaí polaitiúla foriomlána an Aontais. De bhrí nach ceann d'institiúidí reachtaíochta an Aontais í, ní dhéanann sí caibidlíocht i leith dlíthe ná ní ghlacann sí dlíthe. Ina ionad sin, leagann sí amach clár oibre beartais an Aontais; is gnách go ndéantar sin trí 'chonclúidí' a ghlacadh le linn chruinnithe na Comhairle Eorpaí, ina sainaithnítear cúiseanna imní agus bearta a bhíonn le déanamh.
Is iad cinn stáit nó rialtais 28 mBallstát an Aontais, Uachtarán na Comhairle Eorpaí agus Uachtarán an Choimisiúin Eorpaigh comhaltaí na Comhairle Eorpaí.
Is í an Chomhairle Eorpach a shainíonn treoir agus tosaíochtaí polaitiúla foriomlána an Aontais
Glacann Ardionadaí an Aontais do Ghnóthaí Eachtracha agus don Bheartas Slándála páirt freisin i gcruinnithe na Comhairle Eorpaí nuair a phléitear gnóthaí eachtracha.
Próiseas cinnteoireachta
Den chuid is mó, is de chomhthoil a ghlacann an Chomhairle Eorpach a cuid cinntí. Mar sin féin, i gcásanna áirithe, ar a dtugtar cuntas i gconarthaí an Aontais, is d'aontoil nó trí thromlach cáilithe a dhéantar cinneadh.
Más gá vóta a chaitheamh, ní fhéadfaidh Uachtarán na Comhairle Eorpaí ná Uachtarán an Choimisiúin páirt a ghlacadh sa chúram sin.
Thug an tUachtarán Charles Michel a aitheasc do na ceannairí a tháinig le chéile i Maidrid do Chomhdháil na Náisiún Aontaithe maidir leis an Athrú Aeráide (COP 25).
Tháinig na hUachtaráin Michel, Sassoli, Von der Leyen agus Lagarde le chéile in Áras Stair na hEorpa chun comóradh a dhéanamh ar 10 mbliana de Chonradh Liospóin agus chun tús an timthrialla institiúidigh nua a cheiliúradh.
During the handover ceremony, incoming European Council President Charles Michel thanked outgoing President Donald Tusk for his work during his mandate expiring on 30/11/2019.
In this final report, President Donald Tusk looks back at the work of the European Council, where the leaders of the European Union meet, from July 2018 to November 2019.
On Friday, 29 November 2019, there will be a handover between ongoing President of the European Council Donald Tusk and incoming President Charles Michel.
Is é an tUachtarán Donald Tusk a thug an phríomhóráid ag searmanas oscailte na bliana acadúla 2019/2020 i gColáiste na hEorpa, Brugge. Labhair sé faoi na ceachtanna a d'fhoghlaim sé le linn an dá théarma a chaith sé mar Uachtarán ar an gComhairle Eorpach agus faoin tsíorstreachailt ar son na haontachta san Aontas Eorpach.
Weekly schedule of President-elect Charles Michel 14-22 November 2019
Iar-Uachtarán na Comhairle Eorpaí, Donald Tusk, agus an méid a tharlaíonn le linn chruinnithe mullaigh an Aontais á mhíniú aige
Cruinnithe na Comhairle Eorpaí
Bíonn cruinniú ag an gComhairle Eorpach ar a laghad faoi dhó gach sé mhí. Is sa Bhruiséil, in Áras Europa, a thionóltar cruinnithe na Comhairle, ar a dtugtar 'cruinnithe mullaigh an Aontais' go minic.
Is é Uachtarán na Comhairle Eorpaí a bhíonn mar chathaoirleach ar na cruinnithe. Is féidir leis an Uachtarán cruinnithe urghnácha den Chomhairle Eorpach a chomóradh freisin.
Bíonn Uachtarán Pharlaimint na hEorpa i láthair ag tús gach cruinnithe, chun breac-chuntas a thabhairt ar thuairimí Pharlaimint na hEorpa. Féadfar a iarraidh ar dhaoine eile, amhail Uachtarán an Bhainc Ceannais Eorpaigh, freastal ar chruinnithe, ag brath ar na saincheisteanna a bhíonn á bplé.
Tá an chomhdháil ceaptha na chéad bhearta ríthábhachtacha eile a ghlacadh i bpróiseas na Náisiún Aontaithe maidir leis an athrú aeráide. Ar cheann de phríomhchuspóirí na Comhdhála, tá clabhsúr a chur le roinnt ábhar a bhaineann le Comhaontú Pháras maidir leis an Athrú Aeráide a chur i ngníomh ina iomláine.
Tháinig ceannairí an Aontais le chéile ar an 17-18 Deireadh Fómhair 2019 chun roinnt saincheisteanna tábhachtacha a phlé lena n-áirítear Brexit, buiséad fadtéarmach an Aontais, méadú an Aontais, an Tuirc, an aeráid agus na tosaíochtaí do na chéad chúig bliana eile.
Thug Donald Tusk, Uachtarán na Comhairle Eorpaí, aitheasc do cheannairí an domhain thar ceann an Aontais Eorpaigh ag Comhthionól Ginearálta na Náisiún Aontaithe ar an 26 Meán Fómhair.
Tháinig ceannairí an Aontais agus Cheanada le chéile i Montréal chun an caidreamh idir an tAontas agus Ceanada a neartú a thuilleadh agus chun réimsí comhair amach anseo a phlé. Rinne an tUachtarán Tusk agus an tUachtarán Juncker ionadaíocht thar ceann an Aontais agus rinne an Príomh-Aire Justin Trudeau ionadaíocht thar ceann Cheanada ag an gcruinniú mullaigh.
Ag an gcruinniú mullaigh, d'athdhearbhaigh ceannairí an Aontais agus na hÚcráine neart na nasc polaitiúil agus eacnamaíoch sa chaidreamh idir an tAontas agus an Úcráin. Rinne an tUachtarán Donald Tusk agus an tUachtarán Jean-Claude Juncker ionadaíocht thar ceann an Aontais ag an gcruinniú mullaigh.
Phléigh na ceannairí na hainmniúcháin do phoist mhóra an Aontais ag an gcruinniú urghnách den Chomhairle Eorpach ar an 30 Meitheamh, 1 agus 2 Iúil 2019 sa Bhruiséil.
Tháinig ceannairí G20 le chéile in Osaka ar an 28-29 Meitheamh chun aghaidh a thabhairt ar mhórdhúshláin eacnamaíocha an domhain. Agus méadú tagtha ar theannais trádála agus gheopholaitiúla sheas an tAontas Eorpach leis an iltaobhachas agus an trádáil riailbhunaithe.
An chéad chruinniú den Chomhairle Eorpach i mBaile Átha Cliath, 11 Márta 1975
Stair na Comhairle Eorpaí
In 1974 a bunaíodh an Chomhairle Eorpach mar fhóram neamhfhoirmiúil le haghaidh plé idir cinn stáit nó rialtais Bhallstáit an Aontais. Ba ghearr gur fhorbair sí ról mar an comhlacht a bhfuil freagracht air spriocanna agus tosaíochtaí an Aontais a shocrú.
Faoi Chonradh Maastricht na bliana 1992, tugadh stádas agus ról foirmiúil don Chomhairle Eorpach - chun spreagadh a thabhairt don Aontas Eorpach agus chun treoirlínte polaitiúla ginearálta a chur ar fáil dó.
In 2009, mar thoradh ar na hathruithe a tugadh isteach le Conradh Liospóin, rinneadh ceann de 7 n-institiúid an Aontais Eorpaigh den Chomhairle Eorpach.
