Deiseanna oibre
Bí ar an eolas faoi dheiseanna fostaíochta agus dálaí oibre sa Chomhairle agus déan iarratas ar fholúntais reatha.
Bíonn tionchar ag obair na Comhairle ar bheartais a théann i bhfeidhm ar na milliúin ar fud an Aontais. Mar chuid dár bhfoireann éagsúil ilchultúrtha, is féidir leatsa do chuid scileanna a úsáid i réimsí éagsúla, lena n-áirítear tacaíocht bheartais agus dhlíthiúil, cumarsáid agus airgeadas.
Bí linn i gcroílár cheapadh beartais an Aontais!
Deiseanna fostaíochta sa Chomhairle
Bí ar an eolas faoi na deiseanna fostaíochta atá againne agus faoi na daoine atá á lorg againn.
Dóibh siúd ar éirigh leo i gcomórtais phoiblí uile-Aontais arna reáchtáil ag an Oifig Eorpach um Roghnú Foirne (EPSO) nó ag iarrthóirí ó institiúidí eile de chuid an Aontais.
Do bhaill foirne ar conradh nó baill foirne shealadacha, chun tacú le tionscadail shonracha nó chun scileanna sonracha atá á lorg againne a thabhairt isteach ar feadh tréimhse áirithe ama (suas le 6 bliana).
Dóibh siúd a bhfuil céim ollscoile acu, taithí a fháil ar bheith ag obair sa Chomhairle.
Folúntais reatha
Féach ar na folúntais reatha agus tapaigh do chéad deis eile linne.
- Gníomhaire sealadach (AST) – Cúntóir Foirgneamh
- Gníomhaire ar conradh (FG III) – Cúntóir do dhlítheangeolaithe ar fhoireann teanga na Montainéigrise
- Gníomhaire ar conradh (FG IV) – Dlítheangeolaí ar fhoireann teanga na Montainéigrise
- Scéim do Ghníomhairí ar Conradh faoi mhíchumas — glao ar léirithe spéise
Cén fáth a rachfá ag obair don Chomhairle?
Tá pacáiste fostaíochta tarraingteach ag gabháil le poist sa Chomhairle, lena n-áirítear árachas sláinte cuimsitheach agus sochair do do theaghlach. Cabhraímid leat cothromaíocht oibre is saoil a bhaint amach i gcroílár cathrach fíor-ilchultúrtha. Is cás linn dul chun cinn agus forbairt ghairmiúil ár bhfoirne go léir.
Tá raidhse leathan réimsí ann inar féidir leatsa a bheith ag obair, agus tá go leor deiseanna foghlama ann le linn do ghairmréime.
Mar a thacaítear leatsa cur le do ghairmréim
Mar a chinntítear timpeallacht oibre éagsúil chuimsitheach
Laethanta Gairme: faigh amach faoin gComhairle mar ionad oibre
Gach bliain, eagraímid Laethanta Gairme chun an Chomhairle a chur chun cinn mar fhostóir tarraingteach agus chun an éagsúlacht deiseanna fostaíochta atá againne anseo a léiriú, idir phoist bhuana nó shealadacha agus thréimhsí oiliúna.
Is deis iad na Laethanta Gairmeacha chun tuairiscí a fháil uathu siúd atá ag obair in earnálacha agus i bhfoirne éagsúla.
Chomh maith leis sin, eagraímid seisiúin ghearra faisnéise ar ábhair shonracha, mar shampla conas iarratas a dhéanamh ar thréimhse oiliúna nó iarratas fostaíochta a ullmhú.
Conas d’iarratas a ullmhú
Chun tacú leat ag gach céim den phróiseas, tá noda curtha i dtoll a chéile againn a chabhróidh leat iarratas láidir a dhéanamh agus ullmhú le haghaidh d'agallaimh.
