Méadú an Aontais
Ó thír is iarrthóir go Ballstát, féach mar a oibríonn an méadú agus féach cé na tíortha a bhfuil stádas mar iarrthóir acu i láthair na huaire.
Is é atá sa mhéadú an próiseas lena dtagann tíortha nua isteach san Aontas Eorpach. Cuireadh an próiseas sin i gcrích seacht n-uaire ó bunaíodh an tAontas, agus d’fhág sé cuma iomlán nua ar an Aontas féin agus ar na Ballstáit nua gach babhta.
Próiseas bunaithe ar fhiúntas é an próiseas aontachais. Ní mór do gach tír na coinníollacha céanna a chomhlíonadh agus na céimeanna céanna a chur i gcrích, más uathu a bheith ina mball den Aontas Eorpach.
An chaoi a n-oibríonn próiseas méadaithe an Aontais Eorpaigh
Chun stádas tír is iarrthóir a bhaint amach, ní mór do gach tír coinníollacha polaitiúla, eacnamaíocha agus riaracháin a chomhlíonadh.
Ní mór do gach tír céimeanna faoi leith a ghlacadh agus a bheith faoi réir le dlíthe an Aontais a chur chun feidhme le linn na caibidlíochta maidir le haontachas, más uathu a bheith ina mBallstát.
Is í an Chomhairle a dhéanann maoirseacht ar phróiseas an mhéadaithe agus ar an gcaibidlíocht maidir le haontachas, ar dual dóibh cloí leis an modh idir-rialtasach.
Na tíortha is iarrthóirí - cé hiad féin?
Tá naoi dtír is iarrthóir ann i láthair na huaire. Tháinig liostú na dtíortha díreach tar éis na gconclúidí is déanaí ón gComhairle maidir le méadú.
Is iad na ceanglais chéanna a bhíonn le comhlíonadh ag gach uile thír ar bhóthar na ballraíochta, agus an próiseas céanna a bhíonn le leanúint:
- Iarratas ar bhallraíocht
- Stádas mar iarrthóir
- An chaibidlíocht maidir le haontachas
- Ballraíocht san Aontas Eorpach
I gcomhthráth le próiseas an mhéadaithe, oibríonn na tíortha céanna sin is iarrthóirí i gcomhar leis an Aontas ar bhealaí eile chun naisc pholaitiúla agus eacnamaíocha a neartú.
Stair an mhéadaithe
Is ina rabhartaí méadaithe i ndiaidh a chéile a múnlaíodh stair an Aontais Eorpaigh. Faigh amach cathain agus conas a d’fhás an tAontas ó 6 Bhallstát go 27 mBallstát, rud a neartaíonn an comhar agus a chuireann luachanna daonlathacha chun cinn ar fud na hEorpa.
Léarscáil ina léirítear Ballstáit reatha an Aontais agus iar-Bhallstát de chuid an Aontais, in éineacht leis an mbliain a tháinig siad isteach san Aontas.
An scéala is déanaí
- Méadú: Chuir an Albáin agus an tAontas clabhsúr sealadach ar an gcaibidlíocht maidir le heolaíocht agus taighde, oideachas agus cultúr, agus caidreamh seachtrach
- Méadú: tús curtha ag an Aontas agus ag an Moldóiv leis an gcaibidlíocht maidir le beartais caidrimh sheachtraigh
- Méadú: caibidlíocht aontachais idir an tAontas agus Montainéagró maidir leis an mbeartas iomaíochta agus leis an aontas custaim dúnta
Na blaisíní breise is déanaí
An Úcráin: infheistíocht i dtodhchaí na hEorpa
Montainéagró
An Mholdóiv
An t-athbhreithniú deireanach: an 9 Iúil 2026