Conclúidí ón gComhairle Eorpach

Cad iad na conclúidí ón gComhairle Eorpach?

Glactar conclúidí ón gComhairle Eorpach le linn gach cruinnithe den Chomhairle Eorpach.

• Féilire chruinnithe na Comhairle Eorpaí

Úsáidtear iad chun saincheisteanna sonracha ar údar imní iad don Aontas a shainaithint agus chun gníomhaíochtaí sonracha a bheidh le glacadh nó spriocanna sonracha a bheidh le baint amach a leagan síos. Leagtar amach freisin sna conclúidí ón gComhairle Eorpach spriocdhátaí chun teacht ar chomhaontú maidir le hábhar ar leith nó maidir le togra reachtach a thíolacadh.

Ar an gcaoi sin, féadfaidh an Chomhairle Eorpach tionchar a imirt ar chlár oibre beartais an Aontais agus é a threorú.

Cá bhfaighidh mé conclúidí ón gComhairle Eorpach?

Tá conclúidí ón gComhairle Eorpach ó 2004 ar aghaidh ar fáil sa chlár poiblí de dhoiciméid oifigiúla.

• Conclúidí ón gComhairle Eorpach (2004 go dtí an lá atá inniu ann)

Tá conclúidí a bhaineann leis an tréimhse anuas go 2004 ar fáil trí na naisc thíos.

• Conclúidí ón gComhairle Eorpach (1993-2003)
• Conclúidí ón gComhairle Eorpach (1975-1992)

Tabhair faoi deara, le do thoil, nach mbíonn conclúidí ón gComhairle Eorpach ar fáil ach i dteangacha na dtíortha sin a bhí ina mBallstáit ag an am sin.

Conas a ghlactar conclúidí ón gComhairle Eorpach?

Roimh chruinniú na Comhairle Eorpaí, dréachtaíonn Uachtarán na Comhairle Eorpaí an chéad dréacht agus na leaganacha athbhreithnithe a dhéanfar ina dhiaidh sin.

Ina dhiaidh sin, déanann buanionadaithe na mBallstát sa Bhruiséil (Coreper 2) agus na hairí gnóthaí Eorpacha iad a phlé ag cruinniú na Comhairle Gnóthaí Ginearálta agus glactar iad níos déanaí ag cruinniú na Comhairle Eorpaí.

Ní mór gur le comhthoil idir Ballstáit uile an Aontais a ghlacfar na conclúidí.

Ciallaíonn sé sin go mbítear ar aon fhocal maidir le cuid mhaith de na conclúidí sa tréimhse roimh an gcruinniú chun gur féidir leis na ceannairí díriú ag an gcruinniú ar shaincheisteanna eile a bhíonn fós gan réiteach.

• Coreper II
• An Chomhairle um Ghnóthaí Ginearálta (CGG)

Cruinnithe neamhfhoirmiúla agus urghnácha

Tionólann an Chomhairle Eorpach freisin cruinnithe neamhfhoirmiúla nó urghnácha de na cinn stáit nó rialtais.

I ndiaidh na gcruinnithe sin, is gnách go nglacann na ceannairí ráiteas nó dearbhú seachas conclúidí oifigiúla.

Ní bhíonn na doiciméid sin ar fáil sa chlár poiblí. Tá na cinn sin a glacadh ó 2004 ar fáil tríd an nasc thíos:

• Doiciméid neamhfhoirmiúla nó urghnácha de chuid na Comhairle Eorpaí

Féach freisin