Tabhair cuairt orainn
Ráig an choróinvíris COVID-19: seisiúin faisnéise fhíorúla
I ngeall ar an staid reatha maidir le scaipeadh an choróinvíris COVID-19, tá deireadh curtha le gach cuairt ar an láthair go dtí go bhfógrófar a mhalairt.
Ná bí buartha – is bearta sealadacha iad na bearta seo. Tá dlúthfhaireachán ar bun againn ar an scéal, agus déanfaimid ár mbearta a oiriúnú dá réir sin.
Mar rogha malartach ar chuairteanna ar an láthair, tá seisiúin faisnéise fhíorúla ar fáil trí fhíschomhdháil, ina mbeidh scór rannpháirtí ar a laghad.
Buail isteach chuig an gComhairle, cuir eolas ar na foirgnimh ina dtagann ceannairí an Aontais le chéile, agus faigh tuilleadh eolais faoin gcaoi a múnlaíonn an Chomhairle todhchaí na hEorpa.
Más mian leat cuairt a thabhairt ar an gComhairle, tá dhá rogha agat:
- cuir eolas ar Ionad na gCuairteoirí agus ar limistéir phoiblí na Comhairle i d'aonar
- páirt a ghlacadh inár dturas treoraithe seachtainiúil ar an Aoine ar 8:00 ar maidin
Tá clár saincheaptha do chuairteoirí á thairiscint againn chomh maith do ghrúpaí ina bhfuil 20 duine nó níos mó.
Faigh tuilleadh eolais faoi obair na Comhairle in Ionad na gCuairteoirí
Eolas faoi Ionad na gCuairteoirí
Tá eispéireas tumthach ilmheáin romhat in Ionad na gCuairteoirí. Féadfaidh tú eolas a fháil faoi obair na Comhairle agus faoin Aontas.
Bíonn Ionad na gCuairteoirí ar oscailt ó Luan go hAoine (féach na huaireanta oscailte thíos)
- Maireann an chuairt thart ar 60 nóiméad
- Tá ábhar ar fáil i ngach ceann de 24 theanga oifigiúla an Aontais
- Oiriúnach do dhuine ar bith is sine ná 15 bliana d'aois
- Saorchead isteach
Ní mór duit clárú roimh ré chun cuairt a thabhairt ar Ionad na gCuairteoirí:
Sracfhéachaint ar an gComhairle – cur i láthair i bhfíseán
Turais threoraithe sheachtainiúla
Bí linn chun turas treoraithe faoi stiúir saineolaí a thabhairt ar an gComhairle. Tabharfar deis duit feidhmiú inmheánach na Comhairle a fheiceáil, chomh maith le hÁras Europa ina bhfuil spás ar chruth lóchrainn a bhfuil cáil air ó thaobh na hailtireachta de.
Bíonn turais threoraithe ar siúl gach maidin Aoine ar 8:00. Cinntítear leis an am luath sin gur féidir le cuairteoirí na codanna is tábhachtaí d'Áras Europa a fheiceáil, óir bíonn cosc ar chuairteoirí sna codanna sin i rith uaireanta eile an lae.
- Maireann na turais thart ar uair an chloig
- Teanga/teangacha a labhraítear: Fraincis agus Béarla
- Oiriúnach do dhuine ar bith is sine ná 15 bliana d'aois
- Saorchead isteach
Ní mór duit clárú roimh ré chun páirt a ghlacadh inár dturais threoraithe:
Uaireanta oscailte
Luan go hAoine: 10:30 – 16:00 (10:30 – 13:00 i mí Lúnasa)
Bíonn Ionad na gCuairteoirí dúnta ar na laethanta seo a leanas:
- laethanta saoire poiblí áirithe de chuid na Beilge
- laethanta saoire institiúidí an Aontais
An áit a bhaint amach
Is in Áras Justus Lipsius atá Ionad na gCuairteoirí.
Cúrsaí slándála agus rochtana
Ní mór do gach cuairteoir pas nó cárta aitheantais náisiúntabailí a thabhairt leis chun teacht isteach i bhfoirgnimh na Comhairle. Ní ghlacfar le haon chineál eile aitheantais phearsanta.
Tá foirgnimh na Comhairle inrochtana dóibh siúd atá faoi mhíchumas luaineachta.
Cuairt a chur ar ceal
D'fhéadfadh sé go mbeadh orainn cuairt a deimhníodh cheana a chur ar ceal nóiméad ar bith, i gcásanna eisceachtúla, mar gheall ar imeachtaí polaitiúla nó mar gheall ar chruinnithe den Chomhairle a shocrófaí gan choinne.
Cén chaoi a dtugtar cuairt ar ionadaíochtaí na mBallstát sa Bhruiséil?
Ó tharla gur muidne Teach na mBallstát, bíonn dlúthchomhar idir muid féin agus buanionadaíochtaí na mBallstát. Molaimid duit do chuairt ar an gComhairle a cheangal le cuairt ar bhuanionadaíocht Bhallstáit.
Cén chaoi a dtugtar cuairt ar institiúidí eile an Aontais?
Parlaimint na hEorpa
Tá Parlaimint na hEorpa lonnaithe sa Bhruiséil, in Strasbourg agus i Lucsamburg. Cuireann gach suíomh díobh sin réimse gníomhaíochtaí ar fáil do chuairteoirí, lena ndéantar freastal ar aoisghrúpaí agus réimsí spéise difriúla. Is féidir le cuairteoirí breathnú ar an gcaoi a n-oibríonn Parlaimint na hEorpa, ar an gcaoi ar tháinig forbairt uirthi agus ar an ról atá aici. Féach suíomh gréasáin Pharlaimint na hEorpa chun tuilleadh eolais a fháil.
An Coimisiún Eorpach
Fáiltíonn Ionad Cuairteoirí an Choimisiúin Eorpaigh roimh ghrúpaí cuairteoirí (nach lú ná 15 dhuine). Tugtar cur i láthair ar ról an Choimisiúin Eorpaigh mar fheidhmeannas polaitiúil an Aontais agus déantar an ról sin atá aige a phlé. Ba cheart cuairteanna a chur in áirithe 10 seachtaine, ar a laghad, roimh ré agus is féidir cuairteanna a chur in oiriúint do shainspéis agus d'aois an ghrúpa.
Coiste Eorpach na Réigiún
Tugann Coiste Eorpach na Réigiún cur i láthair tarraingteach do ghrúpaí cuairteoirí (grúpa nach lú ná 15 dhuine atá níos sine ná 14 bliana d'aois) ar an ról atá ag réigiúin agus cathracha na hEorpa i dtaca le reachtaíocht an Aontais a mhúnlú. Ba cheart cuairteanna a chur in áirithe 8 seachtaine, ar a laghad, roimh ré.
Coiste Eacnamaíoch agus Sóisialta na hEorpa
Tabhair cuairt ar theach na sochaí sibhialta eagraithe le haghaidh caint idirghníomhach. Cuir eolas ar na trí ghrúpa – a dhéanann ionadaíocht d'fhostóirí (grúpa I), d'oibrithe (grúpa II) agus don éagsúlacht (grúpa III) – agus cé mar a éistear lena gcearta siúd san Aontas Eorpach.
Ceisteanna agat?
Déan teagmháil le foireann na gcuairteanna sa Chomhairle:
Teil: +32 2 281 59 20
Cosaint sonraí
An nós imeachta gearán
Déanaimid ár seacht ndícheall seirbhís ardchaighdeáin a chur ar fáil. Tá sé de cheart agat gearán a dhéanamh leis an Ombudsman Eorpach má mheasann tú nár mhaith go leor caighdeán na seirbhíse a fuair tú ó sheirbhís na Comhairle lena raibh tú i dteagmháil.
Sula bhféadfaidh an tOmbudsman gearán a ghlacadh uait, áfach, ba cheart duit do ghearán a chur in iúl don tseirbhís a phléigh le d'iarratas tosaigh. Déanfaimid dianiarracht an t-ábhar is cúis le do mhíshástacht a réiteach, a mhéid is féidir agus de réir mar is iomchuí.
Áras Europa – croí na hEorpa
Ciorcail, éilipsí agus cearnóga; lóchrann laistigh de chiúb; an sean agus an nua... Tugtar an deilbh agus an fheidhm le chéile faoi aon díon amháin in áras Europa. Comhartha polaitiúil agus ailtireachta is ea é ó osclaíodh é in 2017.
Bí linn ar thuras iontach den fhoirgneamh sainchomhartha seo.
