"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
Phléigh na hairí forbairtí eacnamaíocha agus na hionchais eacnamaíocha don limistéar euro, ag cur leis na léargais ón gCoimisiún Eorpach agus ón mBanc Ceannais Eorpach.
Measúnú ar dhréachtphlean buiséadach na Beilge do 2026
Ghlac an Grúpa Euro ráiteas maidir le dréachtphlean buiséadach na Beilge do 2026.
Phléigh na hairí na forbairtí is déanaí san airgeadas digiteach, ina measc na teicneolaíochtaí mórleabhar dáilte, an téacschomharthú agus cripteamhonaí cobhsaí, d’fhonn measúnú a dhéanamh ar na tairbhí a d’fhéadfadh a bheith ag baint leo do chóras airgeadais an Aontais agus don gheilleagar i gcoitinne.
Is féidir leis an airgeadas digiteach ‘an fad a chomhbhrú’ - idir coigilteoirí agus nuálaithe, idir gnólachtaí beaga agus linnte doimhne caipitil, agus idir margaí náisiúnta agus margaí an Aontais. Ach chun an ceart a bhaint amach, ní mór dúinn na rioscaí gaolmhara a mheas freisin mar lucht ceaptha beartas.
Kyriakos Pierrakakis, Uachtarán an Ghrúpa Euro
Bhí Jan-Oliver Sell, príomhoifigeach feidhmiúcháin Qivalis, páirteach sa phlé ar an sruth oibre seo.
Praghsanna fuinnimh agus an tionchar a imríonn siad ar gheilleagar an limistéir euro
I gcomhthéacs suaiteachta sna margaí fuinnimh domhanda, arb iad an éagobhsaíocht mhéadaithe gheopholaitiúil agus an ghéarchéim sa Mheánoirthear a spreag, phléigh na hairí praghsanna fuinnimh agus an tionchar a d’fhéadfaidís imirt ar gheilleagar an limistéir euro.
Cuireann an éagobhsaíocht sa Mheánoirthear agus an cogadh leanúnach san Úcráin i gcuimhne dúinn a leochailí atá na margaí fuinnimh agus a neamhchosanta atá ár ngeilleagair fós ar shuaití seachtracha.
Kyriakos Pierrakakis, Uachtarán an Ghrúpa Euro
Chuir Christian Zinglersen, iarstiúrthóir Ghníomhaireacht an Aontais Eorpaigh um Chomhar idir Rialálaithe Fuinnimh, agus Damian Cortinas, cathaoirleach bhord Líonra Eorpach d’Oibreoirí Córais Tarchurtha Leictreachais, a mbarúil maidir le hiomaíochas an limistéir euro sa chomhthéacs reatha in iúl.
Nithe ilghnéitheacha
Thug aire geilleagair na Spáinne, Carlos Cuerpo, an Grúpa Euro cothrom le dáta maidir le tionscnaimh leanúnacha faoin tsaotharlann iomaíochais.
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
