Ráiteas comhpháirteach ó Uachtarán na Comhairle Eorpaí, ó Uachtarán an Choimisiúin Eorpaigh agus ó Uachtarán Pharlaimint na hEorpa maidir le comóradh tragóideach dhá bhliain ó tharla cogadh foghach iomlán na Rúise ar an Úcráin.

Agus dhá bhliain ag teannadh linn ó thosaigh cogadh foghach na Rúise ar an Úcráin, ghlac an Chomhairle an 13_^ú pacáiste bearta sriantacha aonair agus eacnamaíocha arb é is aidhm dóibh cumas na Rúise an cogadh a fhearadh a lagú.

Ghlac an Chomhairle a sainordú caibidlíochta chun athnuachan a dhéanamh ar fhionraí dleachtanna allmhairiúcháin agus cuótaí ar onnmhairí na hÚcráine agus na Moldóive chuig an Aontas.

D’eisigh an tAontas ráiteas inar chuir sé in iúl go bhfuil uafás air mar gheall ar bhás pholaiteoir an fhreasúra sa Rúis, Alexei Navalny, agus déanann sé comhbhrón ó chroí lena bhean chéile Yulia Navalnaya, lena gclann, a muintir, a gcuid cairde agus leo siúd go léir a rinne obair i gcomhar leis ar son leas na tíre.

D’fhormheas an Chomhairle conclúidí maidir leis an mBealarúis ina ndírítear ar thacaíocht do ghníomhaithe na sochaí sibhialta agus, ag an am céanna, cháin sí an réimeas atá ann faoi láthair as an daonlathas a chur faoi chois, as a dhímheas ar chearta an duine agus as a comhpháirteachas i gcogadh na Rúise ar an Úcráin.

Ghlac an Chomhairle cinneadh agus rialachán lena gceanglaítear ar thaiscithe lárnacha urrús sócmhainní agus cúlchistí Bhanc Ceannais na Rúise de bhreis ar €1 mhilliún a shealbhú chun na hioncaim agus na glanbhrabúis a fhaightear i dtaca le sealbhú na sócmhainní sin a choinneáil ar leithligh.

Ráiteas ón Ardionadaí thar ceann an Aontais Eorpaigh maidir le tríú tíortha áirithe a bheith ag seasamh le Cinneadh (CBES) 2023/2874 ón gComhairle an 18 Nollaig 2023 lena leasaítear Cinneadh 2014/512/CBES a bhaineann le bearta sriantacha i bhfianaise ghníomhaíochtaí na Rúise i ndíchobhsú staid na hÚcráine.

Ráiteas ón Ardionadaí thar ceann an Aontais Eorpaigh maidir le tríú tíortha áirithe a bheith ag seasamh le Cinneadh (CBES) 2023/2871 ón gComhairle an 18 Nollaig 2023 lena leasaítear Cinneadh 2014/145/CBES a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine.

Chuir Uachtarán na Comhairle Eorpaí, Charles Michel, seisiún iomlánach Pharlaimint na hEorpa, a tháinig le chéile in Strasbourg, ar an eolas faoi na cruinnithe is déanaí den Chomhairle Eorpach, go háirithe an cruinniú urghnách a bhí ar siúl an 1 Feabhra.

Tháinig an Chomhairle agus an Pharlaimint ar chomhaontú sealadach maidir le hionstraim thiomnaithe aonair nua a bhunú chun tacú le téarnamh, atógáil agus nuachóiriú na hÚcráine, agus ag an am céanna chun tacú léi a hiarrachtaí athchóirithe a dhéanamh mar chuid dá conair aontachais leis an Aontas.

Ráiteas ón Ardionadaí thar ceann an Aontais Eorpaigh maidir le tríú tíortha áirithe a bheith ag seasamh le Cinneadh (CBES) 2024/195 ón gComhairle an 21 Nollaig 2023 lena leasaítear Cinneadh 2014/145/CBES a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin.

Ag an bpreasagallamh inar tugadh an Chomhairle Eorpach Urghnách chun críche, chuir an tUachtarán Charles Michel in iúl gur chomhaontaigh ceannairí an Aontais buiséad fadtéarmach an Aontais a threisiú le maoiniú breise, lena n-áirítear EUR 50 billiún i dtacaíocht airgeadais don Úcráin. Phléigh siad tacaíocht mhíleata don Úcráin agus an staid sa Mheánoirthear freisin.

An 1 Feabhra, ghlac an Chomhairle Eorpach conclúidí maidir leis an gcreat airgeadais ilbhliantúil, an Úcráin agus an Meánoirthear.

An 1 Feabhra, ghlac an Chomhairle Eorpach conclúidí maidir leis an gcreat airgeadais ilbhliantúil agus an Úcráin.

Mar obair leantach ar chruinniú mhí na Nollag, d’iarr Uachtarán na Comhairle Eorpaí, Charles Michel, ar cheannairí an Aontais freastal ar chruinniú urghnách den Chomhairle Eorpach an 1 Feabhra. Pléifidh ceannairí an Aontais an t-athbhreithniú meántéarma ar bhuiséad fadtéarmach an Aontais do 2021-2027, lena n-áirítear tacaíocht don Úcráin.

Chuir an Chomhairle síneadh 6 mhí eile lena bearta sriantacha, go dtí an 31 Iúil 2024, i bhfianaise ghníomhaíochtaí leanúnacha Chónaidhm na Rúise i ndíchobhsú staid na hÚcráine.

D’eisigh an tAontas ráiteas maidir leis na forbairtí is déanaí i gcás Alexei Navalny agus príosúnaigh pholaitiúla eile sa Rúis.

D’fhormheas an Chomhairle sainordú caibidlíochta páirteach maidir le togra chun Saoráid na hÚcráine a bhunú, ionstraim mhaoinithe thiomnaithe nua chun tacú le téarnamh, atógáil agus nuachóiriú na hÚcráine, agus chun tacú ag an am céanna lena hiarrachtaí athchóirithe a dhéanamh mar chuid dá conair aontachais leis an Aontas.

D’fhormheas an Chomhairle bearta sriantacha breise i gcoinne duine amháin agus eintiteas amháin atá freagrach as gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin.

Ráiteas ón Ardionadaí thar ceann an Aontais Eorpaigh maidir le tríú tíortha áirithe a bheith ag seasamh le Cinneadh 2023/2792 (CBES) ón gComhairle an 11 Nollaig 2023 lena leasaíter cinneadh (CBES) 2023/1532 a bhaineann le bearta sriantacha i bhfianaise thacaíocht mhíleata na hIaráine do chogadh foghach na Rúise i gcoinne na hÚcráine.