Rogha acmhainní faisnéise ar líne a bhfuil rochtain orthu ar áitreabh na Comhairle
Is trí líonra na Comhairle amháin (ríomhaire deisce nó wi-fi), a fhéadfar teacht ar iomlán dá bhfuil sna hacmhainní sin. Féadfaidh foireann na Comhairle agus cuairteoirí seachtracha úsáid a bhaint as na hacmhainní sin chun críoch taighde amháin.
Ní cheadaítear na hacmhainní a dháileadh. Tá freagracht aonair ar úsáideoirí go gcomhlíonann siad na téarmaí agus na coinníollacha sonracha úsáide i gcomhréir le comhaontuithe ceadúnaithe agus dlí an chóipchirt.
Eureka
Faigh amach faoi na hacmhainní faisnéise uile in aon chuardach amháin trí chatalóg Leabharlann na Comhairle.
Politico Pro
Is é Politico Pro an tseirbhís íoctha dhigiteach nuachta de chuid Politico Europe, a thugann anailís agus léargas duit a chumhdaíonn 12 réimse beartais de chuid an Aontais.
Is féidir le toscairí rochtain saor in aisce a iarraidh trí ríomhphost.
Agence Europe
Déanann Agence Europe sainchumhdach ar ghníomhaíochtaí a bhaineann leis an Aontas. Tá rochtain ar an Europe Daily Bulletin, príomhfhoilseachán Agence Europe, agus ar a chartlann, i Leabharlann na Comhairle.
The Economist
Leagan ar líne den iris sheachtainiúil nuachta agus rochtain neamhtheoranta ar an suíomh gréasáin, economist.com.
The Economist Intelligence Unit
Tuarascálacha anailíse de réir tíre ó The Economist Intelligence Unit, agus ina bhfuil réamhaisnéisí eacnamaíocha agus polaitiúla mionsonraithe i ndáil le tuairim is 200 tír.
Oxford Analytica
Déanann Oxford Analytica anailís dhomhanda ar gheopholaitíocht agus ar mhaicreacnamaíocht. Féadann foireann na Comhairle síntiús a ghlacadh leis an tseirbhís laethúil anailíse dar teideal The Oxford Analytica Daily Brief.
IHS
Faisnéis agus anailís ar chúrsaí eacnamaíocha domhanda agus rioscaí tíre, agus ina bhfuil anailís dhomhain agus réamhaisnéisí doimhne i ndáil le tuairim is 200 tír.
Frankfurter Allgemeine
Leagan ar líne de cheann de phríomhnuachtáin na Gearmáine.
European Journal of International Relations
Taighde agus forbairtí de chineál coincheapúil, normatach agus eimpíreach i ndáil le gach príomh-fho-ábhar den réimse.
Strada Lex
Tairseach do reachtaíocht na Beilge agus na hEorpa, agus ina bhfuil ríomhleabhair agus tréimhseacháin maidir leis an dlí Eorpach agus idirnáisiúnta.
Beck-online
Tairseach do reachtaíocht na Gearmáine agus na hEorpa agus do thráchtaireacht dhlíthiúil, agus ina bhfuil tréimhseacháin ar an dlí Eorpach.
Max Planck Encyclopedia of Public International Law
Ciclipéid ar líne d'ailt phiarmheasúnaithe ar an dlí idirnáisiúnta poiblí.
Wolters Kluwer
Tréimhseacháin ar an dlí Eorpach agus idirnáisiúnta (agus ar an Common Market Law Review). I mBéarla amháin.
Dalloz.fr
Ábhair ar dhlí na Fraince agus ar an dlí Eorpach, agus ina bhfuil 'Répertoire de droit européen' – ciclipéid maidir leis an dlí Eorpach. I bhFraincis amháin.
An t-athbhreithniú deireanach: an 10 Eanáir 2024