Lá na hEorpa 2026
Súil siar ar Lá na hEorpa 2026
Ar Lá na hEorpa, déantar comóradh ar dhearbhú Schuman, dearbhú lenar leagadh síos an bhunchloch don Aontas Eorpach. Gach bliain, tagann na mílte duine chuig institiúidí an Aontais chun ceiliúradh a dhéanamh ar an lá sin.
Bhí imeacht Lá na hEorpa 2026 ar siúl Dé Sathairn, an 9 Bealtaine. Tháinig cuairteoirí de gach aois chuig áras Justus Lipsius na Comhairle agus fuair siad amach faoi thaispeántas a thug ar fud an Aontais Eorpaigh iad.
Agus pas do Lá na hEorpa acu, d’fhéadfadh cuairteoirí taisteal timpeall na 27 mBallstát uile, agus gach ceann acu ag cur fáilte rompu le cluichí idirghníomhacha, ábhar faisnéiseach, agus fíricí spraíúla.
Chuir léirithe traidisiúnta ó gach cearn den Aontas Eorpach, ceol agus damhsa san áireamh, beocht sa lá. Bhain na daoine beaga taitneamh as gníomhaíochtaí spraíúla cruthaitheacha i gCúinne na bPáistí agus d’éirigh leo bualadh lenár sonóg spraíúil, Yooki.
Bhí go leor daoine páirteach inár dturais threoraithe faoi stiúir saineolaithe taobh thiar den Chomhairle, ina raibh na seomraí ina dtagann ceannairí an Aontais le chéile chun plé a dhéanamh ar na saincheisteanna a mhúnlaíonn ár dtodhchaí. Bhí roinnt fionnachtana ailtireachta sa chlár gníomhaíochtphacáilte freisin, toisc go bhféadfadh cuairteoirí cuairt a thabhairt ar Áras Europa agus ar an spás uathúil a bhfuil cruth lóchrainn air.
An tUachtarán Costa ar Lá na hEorpa
Féach ar an teachtaireacht físeáin do Lá na hEorpa ó António Costa, Uachtarán na Comhairle Eorpaí.
Grianghraif agus físeáin
Tá fáilte is céad roimh chách chuig Lá na hEorpa!
An tUachtarán Costa i láthair ar Lá na hEorpa.
Cuairteoirí ag baint lán na súl as seomraí cruinnithe na Comhairle ina dtagann ceannairí an Aontais le chéile.
Cuireann léirithe traidisiúnta damhsa agus ceoil as ceithre hairde na hEorpa ríméad ar na cuairteoirí.
Rinne Yooki, sonóigín na Comhairle, an t-uafás cairde ar Lá na hEorpa!
Damhsóirí feistithe amach i gcultacha traidisiúnta ag damhsa ar ardán i lár an tslua.
Bí ar an eolas faoina bhfuil i gceist leis an gComhairle agus bí linn ó cheann ceann na bliana
Déan ceiliúradh ar líne
Agus dóibh siúd nach raibh in ann teacht chun na Bruiséile, rinneamar cinnte go roinnfimis spiorad Lá na hEorpa ar líne, le turais fhíorúla, leideanna léitheoireachta maidir le stair Lá na hEorpa, bailiúchán léargas ailtireachta, breabanna ceoil agus acmhainní oideachais do mhúinteoirí.
Faigh amach faoi thús an Aontais Eorpaigh
An 9 Bealtaine 1950, thug Aire Gnóthaí Eachtracha na Fraince, Robert Schuman, óráid stairiúil uaidh – óráid a leag béim ar an tsíocháin agus ar an dlúthpháirtíocht, ar an gcomhar idir náisiúin agus inar tacaíodh le téarnamh na hEorpa i ndiaidh an chogaidh.
Leis an dearbhú fadbhreathnaitheach sin, réitíodh an bealach do chomhphobal eacnamaíoch agus cuireadh an síol d’aontas polaitiúil an lae inniu.
Dearbhú Schuman - Bunú an Aontais
Bí ar an eolas faoina bhfuil i gceist leis an gComhairle agus bí linn ó cheann ceann na bliana
Cosaint sonraí pearsanta
Thógamar grianghraif agus físeáin chun ár n-imeacht do Lá na hEorpa a dhoiciméadú agus a chur chun cinn sa Chomhairle.
Gheobhaidh tú thíos ráiteas príobháideachais ina bhfuil eolas faoi chosaint sonraí pearsanta.
An t-athbhreithniú deireanach: an 12 Bealtaine 2026