Vacsaíní veicteoirvíris i gcoinne COVID-19: seo mar a fheidhmíonn siad
Céard is veicteoirvíreas ann?
Baineann vacsaíní veicteoirvíris leas as leagan éadrom de víreas ar mhaithe le treoir a sheoladh go sábháilte chuig na cealla sa cholainn. Mar chód géiniteach a dhéantar é seo.
Bunaithe ar an treoir sin, cruthaíonn do cholainn sampla neamhdhíobhálach den choróinvíreas; seo í an 'spícephróitéin’.
Fágann an cineál seo víris a lorg – aithníonn an córas imdhíonachta an spícephróitéin – agus i gcás an ionfhabhtaithe, tig leis an coróinvíreas a mharú agus an galar a chosc.
Ní bhíonn baint ná páirt ag na veicteoirvíris a úsáidtear sna vacsaíní leis an DNA agus ní chuirtear isteach ar an DNA ach an oiread.
Céard a tharlaíonn sa cholainn nuair a fhaigheann tú vacsaín veicteoirvíris
- ach an t-instealladh faighte, téann an t-adanaivíreas a iompraíonn an treoir maidir le spícephróitéiní a chruthú isteach sna cealla
- cruthaíonn an cholainn na spícephróitéiní
- braitheann an córas imdhíonachta na próitéiní coimhthíocha agus táirgeann sé antasubstaintí agus cealla imdhíonacha chun iad a chomhrac
- faigheann an cholainn réidh go sciobtha leis an adanaivíreas mar aon leis an eolas géiniteach
- má fhaigheann tú an coróinvíreas amach anseo, braithfidh an córas imdhíonachta na spícephróitéiní agus cuirfidh sé an víreas de dhroim seoil
- ní bheidh tú tinn
Tairbhe mhór
Tá caipsid an adanaivíris crua; cuidíonn seo le treoir ghéiniteach an DNA a choinneáil slán.
Fágann sin nach gá na vacsaíní veicteoirvíris a fhágáil reoite ag teocht ultra-íseal; mairfidh siad cúpla mí ach iad stóráilte ag gnáth-theocht an chuisneora (2-8 C).