Vaċċini abbażi ta' vettur virali kontra l-COVID-19: kif jaħdmu
X'inhu vettur virali?
Il-vaċċini abbażi ta' vettur virali jużaw verżjoni ta' virus dgħajjef biex b'mod sikur jagħtu struzzjonijiet fil-forma ta' kodiċi ġenetika liċ-ċelloli ta' ġisimna.
Dawn l-istruzzjonijiet jippermettu lil ġismek jipproduċi biċċa mill-coronavirus li ma tagħmilx ħsara, il-proteina spika.
Dan it-tip ta' vaċċin jiffamiljarizza s-sistema immunitarja tiegħek mal-proteina spika, sabiex tkun tista' toqtol il-coronavirus f'każ ta' infezzjoni u tipprevjeni l-marda.
Il-vetturi virali użati fil-vaċċini ma jaffettwawx u ma jinteraġixxux mad-DNA tiegħek.
X'jiġri f'ġismek meta tieħu vaċċin abbażi ta' vettur virali
- wara t-titqiba, l-adenovirus li jkun qed iġorr l-istruzzjonijiet biex jinħolqu proteini spiki jidħol fiċ-ċelloli tiegħek
- ġismek joħloq proteini spiki
- is-sistema immunitarja tiegħek tinduna bil-proteini barranin u tipproduċi antikorpi u ċelloli immuni biex tattakkahom
- ġismek jeħles malajr mill-adenovirus u l-informazzjoni ġenetika
- jekk aktar tard tiġi infettat bil-coronavirus, is-sistema immunitarja tiegħek tinduna bil-proteini spiki u teqred il-virus
- ma timradx
Vantaġġ importanti
Il-qoxra protejka reżistenti tal-adenovirus tgħin fil-protezzjoni tal-istruzzjonijiet ġenetiċi tad-DNA fuq ġewwa.
B'riżultat ta' dan, il-vaċċini abbażi ta' vettur virali m'hemmx bżonn li jinżammu ffriżati f'temperaturi baxxi ħafna u jistgħu jtawlu bosta xhur meta jinżammu f'temperatura normali ta' friġġ (2-8°C).