An Lárionad Preasa

Is i lárionad preasa na Comhairle a reáchtáiltear seisiúin faisnéise do na meáin agus preasagallaimh agus a chuirtear saoráidí oibre ar fáil d’iriseoirí.

Cé atá in ann rochtain a fháil ar an lárionad preasa?

Is féidir le hiriseoirí a bhfuil creidiúnú acu do na meáin rochtain a fháil ar an lárionad preasa.

Tá an lárionad preasa oscailte freisin do na daoine seo a leanas:

• toscaireachtaí ó na Ballstáit agus ó thíortha is iarrthóirí
• gairmithe eile, taidhleoirí agus cuairteoirí faoi choinníollacha áirithe ag brath ar na himeachtaí a bheidh ar siúl sa lárionad preasa

• Creidiúnú do na meáin

Téigh i dteagmháil linn

Má tá ceisteanna agat maidir leis an lárionad preasa, téigh i dteagmháil lenár bhfoireann:

Cá bhfuil an lárionad preasa lonnaithe?

Tá an príomhionad preasa lonnaithe sa Bhruiséil i gceanncheathrú na Comhairle. Is é seo an seoladh:

Rue de la Loi/Wetstraat 175

B-1048 Bruxelles/Brussel

Belgique/België

• Conas teacht orainn

Tá áiseanna preasa den chineál céanna ar fáil i Lucsamburg, áit a dtagann an Chomhairle le chéile i mí Aibreáin, i mí an Mheithimh agus i mí Dheireadh Fómhair. Tá an lárionad preasa lonnaithe san Ionad Eorpach Comhdhála, Lucsamburg.

Tá bealach isteach an phreasa ag an seoladh seo a leanas:

rue Fort Thüngen

1499 Luxembourg.

Cad iad uaireanta oscailte an lárionaid preasa?

Bíonn an lárionad preasa ar oscailt gach lá oibre ó 7.30 go 19.00. Cuirtear síneadh leis na tráthanna oscailte i gcás cruinnithe de chuid na Comhairle nó imeachtaí eile a bhíonn ar siúl go déanach.

Beidh an lárionad preasa i Lucsamburg ar oscailt ar laethanta chruinnithe na Comhairle, agus is de réir sceideal na gcruinnithe sin a bheidh na tráthanna oscailte.

Áiseanna

Féadfaidh iriseoirí leas a bhaint as an méid a leanas:

• stiúideo teilifíse (atá dúnta go sealadach ar mhaithe le hoibreacha athchóirithe)
• bothanna eagarthóireachta
• spásanna oibre ina bhfuil idirlíon leathanbhanda
• nasc idirlín Wi-Fi
• teileafón
• fótachóipeálaithe
• teilifís chiorcaid iata
• taisceadáin

Cuirtear saoráidí breise ar fáil do chruinnithe na Comhairle Eorpaí, mar a mbíonn fáil ar bhreis is 1 000 spás oibre.

An féidir liom spás a chur in áirithe sa lárionad preasa?

Le linn chruinnithe mullaigh an Aontais agus imeachtaí ardleibhéil eile, is féidir leat áit oibre a chur in áirithe roimh ré trí theacht chuig áitreabh na Comhairle. Beidh ort d’ainm agus ainm do mheáin a scríobh ar phíosa páipéir agus é greamaithe le téip de na háiteanna oibre atá roghnaithe agat.

Ní bhainistíonn an lárionad preasa áirithintí na spásanna oibre d’iriseoirí. Beidh ort teacht ar an láthair.

A luaithe a bheidh tús curtha leis an imeacht, beidh aon áit atá curtha in áirithe nach bhfuil á húsáid go fóill ar fáil do dhaoine eile.