Stiúideonna teilifíse agus raidió
Chun agallamh a chur ar ionadaithe ón gComhairle, is féidir le hiriseoirí stiúideonna teilifíse agus raidió a chur in áirithe agus cúnamh teicniúil a fháil saor in aisce.
Cur in áirithe
Is féidir le hiriseoirí stiúideonna teilifíse agus raidió a chur in áirithe suas go dtí lá amháin roimh ré.
Tá láthair d'agallaimh bheo "as seasamh" ar fáil i bpríomh-halla iontrála na Comhairle, ar féidir leo í a úsáid.
Ba cheart dóibh na háiseanna a bheidh ag teastáil uathu a shonrú ina gcuid iarratas áirithinte.
Tá na háiseanna ar fad saor in aisce seachas i gcás áirithint satailíte agus costais líne (Tionscnamh EBU: BECUE).
Is féidir leis na hiriseoirí teilifíse leas a bhaint as:
Uimhir IFB: +32 22801345
Uimhir Chomhordúcháin: +32 22817198
Stiúideo teilifíse
Spás 13 m² atá i gceist leis an stiúideo, is é sin le rá tá spás ann le suas le triúr .
Áirítear leis na háiseanna:
- Trí cinn de cheamaraí Grass Valley LDK-8000 HD atá suite ar uathchóras Vinten Radamec
- Ceamara amháin Grass Valley LDK-3000 HD
- Meascthóir físeáin Kayak
- Closmheascthóir Lawo
- Leideoir Wincue
- Lánghreille shoilsithe
- Scáileán cúlra (Cyclorama)
- Chroma Key (do cheamara aonair amháin)
- Micreafóin shreangaithe Lavalier
- Cluaisíní gan sreang
Tá na formáidí HD agus SD (PAL - 16:9 amháin) ar fáil.
An fhoireann oibriúcháin
Tá ceamaradóirí, soilsitheoirí, innealtóirí fuaime agus ealaíontóir smididh i láthair chun cúnamh teicniúil a thabhairt do na hiriseoirí.
Is féidir leis na hiriseoirí raidió leas a bhaint as:
Nasc ISDN (G722, Sraith II agus III MPEG): +32 22301343
Uimhir Chomhordúcháin: +32 22819853
Stiúideo raidió
Féadfaidh suas le 4 duine an stiúideo a úsáid.
Áirítear leis na háiseanna:
- 4 mhicreafón agus 4 chluasán a bhfuil airde inchoigeartaithe ag gabháil leo
- Bogearraí Logic Pro don eagarthóireacht neamhlíneach agus don mheascadh neamhlíneach
Láthair d'agallaimh bheo "as seasamh"
Tá láthair d'agallaimh bheo "as seasamh" ar fáil ar an idirurlár i bpríomh-halla iontrála na Comhairle.
Tá sé riachtanach iad a chur in áirithe le linn chruinnithe na Comhairle Eorpaí agus na cruinnithe eile ar ard-leibhéal.
An t-athbhreithniú deireanach: an 18 Iúil 2025