Ċentru stampa

Iċ-ċentru stampa tal-Kunsill jospita sessjonijiet ta' tagħrif għall-istampa u konferenzi stampa u jipprovdi faċilitajiet ta' ħidma għall-ġurnalisti.

Min jista' jaċċessa ċ-ċentru stampa?

Il-ġurnalisti b'akkreditazzjoni tal-media jistgħu jaċċessaw iċ-ċentru stampa.

Iċ-ċentru stampa huwa miftuħ ukoll għall-individwi li ġejjin:

• delegazzjonijiet mill-istati membri u l-pajjiżi kandidati
• professjonisti, diplomatiċi u viżitaturi oħra taħt ċerti kundizzjonijiet, skont l-avvenimenti fiċ-ċentru stampa

Ikkuntattjana

Jekk għandek mistoqsijiet dwar iċ-ċentru stampa, ikkuntattja lit-tim tagħna:

Fejn jinsab iċ-ċentru stampa?

Iċ-ċentru stampa ewlieni jinsab fi Brussell fil-kwartieri ġenerali tal-Kunsill. L-indirizz huwa:

Rue de la Loi/Wetstraat 175

B-1048 Bruxelles/Brussel

Belgique/België

Faċilitajiet simili għall-istampa huma disponibbli fil-Lussemburgu fejn il-Kunsill jiltaqa' f'April, Ġunju u Ottubru. Iċ-ċentru stampa jinsab fiċ-Ċentru Ewropew għall-Konvenzjonijiet fil-Lussemburgu.

Id-daħla għall-istampa tinsab fl-indirizz li ġej:

rue Fort Thüngen

1499 Luxembourg.

X'inhuma l-ħinijiet ta' ftuħ taċ-ċentru stampa?

Iċ-ċentru stampa huwa miftuħ kull jum tax-xogħol mis-7:30 sas-19:00. Il-ħinijiet ta' ftuħ huma estiżi f'każ ta' laqgħa tal-Kunsill jew avvenimenti oħra fit-tard.

Iċ-ċentru stampa fil-Lussemburgu ser ikun miftuħ fil-jiem tal-laqgħat tal-Kunsill, b'ħinijiet tal-ftuħ skont l-iskeda tal-laqgħat.

Faċilitajiet

Il-ġurnalisti jistgħu jużaw:

• studjo tat-TV (magħluq temporanjament għal xogħlijiet ta' rinnovazzjoni)
• kabini għall-editjar
• skrivaniji b'internet broadband
• konnessjoni WiFi
• telefon
• fotokopjaturi
• CCTV
• armadji li jissakkru

Għal-laqgħat tal-Kunsill Ewropew jingħataw aktar faċilitajiet, b'aktar minn 1000 spazju tax-xogħol disponibbli.

Nista' nirriżerva spazju fiċ-ċentru stampa?

Matul is-summits tal-UE u avvenimenti oħra ta' livell għoli, tista' tirriżerva post tax-xogħol minn qabel billi tiġi fil-bini tal-Kunsill. Ikollok tikteb ismek u l-isem tal-media tiegħek fuq biċċa karta li tiġi mwaħħla mal-postijiet tax-xogħol magħżula.

Iċ-ċentru stampa ma jimmaniġġax ir-riżervazzjoni tal-ispazji tax-xogħol għall-ġurnalisti. Ikollok tiġi fuq il-post.

Ladarba jkunu bdew il-proċedimenti tal-avveniment, kwalunkwe post riżervat li jkun għadu mhux okkupat ser ikun liberament aċċessibbli.