Kif il-vaċċini mRNA jipproteġuk kontra l-COVID-19
It-teknoloġija mRNA spjegata b'mod sempliċi
Il-vaċċini li jużaw teknoloġija mRNA jipproteġuk kontra l-marda tal-COVID-19 mingħajr ma jesponuk għall-virus
Ma fihomx viruses imdgħajfa jew inattivati. Minflok, fihom tip ta' informazzjoni ġenetika (imsejħa mRNA) bi struzzjonijiet dwar kif għandhom jinħolqu kopji tal-proteina "spika" tal-coronavirus.
Għaliex ġismek għandu joħloq il-proteina spika?
Din hija l-proteina li tippermetti lill-coronavirus jidħol fiċ-ċelloli umani u jimmultiplika ruħu, u b'hekk timrad. Il-vaċċini mRNA jagħtu struzzjonijiet lil ġismek biex joħloq dawn il-proteini sabiex is-sistema immunitarja tiegħek issir familjari magħhom u tkun lesta biex tegħlibhom f'każ li tiġi infettat bil-virus.
Waħedha, il-proteina spika ma tista' toħloqlok ebda ħsara.
X'jiġri f'ġismek meta tieħu vaċċin mRNA
- wara li tieħu tilqima, ġismek joħloq proteini spiki, fuq struzzjonijiet tal-mRNA tal-vaċċin
- is-sistema immunitarja tiegħek tidentifika l-proteini estranji u tipproduċi antikorpi u ċelloli immuni biex tattakkahom
- il-proteini u l-mRNA jinqerdu u jisparixxu minn ġismek fi ftit jiem
- ġismek tgħallem kif jiġġieled dawn il-proteini jekk jerġa' jiltaqa' magħhom
Kif jirreaġixxi ġismek jekk tkun infettat bil-coronavirus, wara li tkun imlaqqam
- is-sistema immunitarja tiegħek tidentifika l-proteini spiki tal-coronavirus
- ġismek diġà jaf kif għandu jiġġieled il-proteini u jattakkahom
- b'hekk int ma timradx
Il-vaċċini mRNA wrew rata għolja ħafna ta' effikaċja ta' 95 %