Riżorsi edukattivi: għallem, tgħallem, ilgħab

Il-materjal tal-Kunsill għat-tagħlim u l-apprendiment huwa mmirat lejn gruppi ta' età u livelli ta' edukazzjoni rakkomandati differenti.

Edukazzjoni preprimarja u primarja

Inti għalliem/a tal-iskola preprimarja jew tal-iskola primarja u qed tfittex riżorsi adatti għat-tfal u lesti għall-użu biex tgħallem lill-istudenti tiegħek l-elementi bażiċi dwar l-Unjoni Ewropea?

Aħna noffru firxa ta' materjal għat-tagħlim imfassal speċifikament għall-istudenti ta' taħt l-10 snin. Dawn jinkludu:

• stejjer bl-istampi
• kotba tal-attivitajiet
• għodod ta' tagħlim interattiv tat-tip kwiżż
• kotba tat-tpinġija
• gwida għall-għalliema

Edukazzjoni sekondarja u edukazzjoni għolja

Inti għalliem/a, lekċerer universitarju jew professjonist ieħor tal-edukazzjoni ċivika li qed tfittex riżorsi affidabbli u utli dwar il-Kunsill Ewropew u l-Kunsill tal-UE?

L-offerta tagħna għall-edukazzjoni sekondarja u għolja tinkludi:

• Il-"pakkett ta' edukazzjoni ċivika" - lezzjonijiet lesti għat-tagħlim imfassla għall-istudenti fil-gruppi ta' età 12-19 u 17-25
• "ministru għal ġurnata" - eżerċizzju ta' simulazzjoni tal-Kunsill għal tfal tal-iskola sekondarja minn 16-il sena 'l fuq u studenti universitarji
• "Europa Quest" - għodda ta' tagħlim tat-tip kwiżż adattata għat-tfal tal-iskola sekondarja u studenti universitarji, imfassla biex tistimula l-kollaborazzjoni u t-tagħlim kondiviż

Logħob u kwiżżijiet

Tista' tilħaq ftehim?

Tgħallem waqt li tilgħab permezz ta' EUcraft – logħba ta' simulazzjoni diġitali. Ħu r-rwol ta' ministru u ħu deċiżjonijiet fil-Kunsill tal-UE – kollox f'idejk!

Kemm taf dwar l-UE?

Ittestjakemm taf fil-kwiżżijiet tagħna, adattati għall-istudenti li għandhom 12-il sena jew aktar.

Pubblikazzjonijiet u filmati

Qed tfittex xi fatti u ċifri dwar l-UE, l-istorja u l-istituzzjonijiet tagħha?

Tixtieq tkun taf kif il-liġijiet tal-UE jiġu deċiżi u tifhem ir-rwoli tal-Kunsill Ewropew u tal-Kunsill?

Il-fuljetti ta' informazzjoni, il-fuljetti u l-filmati tagħna joffrulek l-informazzjoni kollha li qed tfittex. Adattati għall-istudenti li għandhom 14-il sena jew aktar.

Żur il-Kunsill mal-iskola tiegħek

Żjara fil-binjiet tal-Kunsill fi Brussell jew żjara virtwali biex tesplora l-Kunsill minn kull angolu tista' ssaħħaħ it-tagħlim tiegħek u kwalunkwe esperjenza ta' tagħlim dwar l-UE.

Daħħal l-UE fil-klassi tiegħek u bbukkja sessjoni ta' informazzjoni (virtwali).