Aħna nużaw il-cookies biex niżgurawlek l-aħjar esperjenza possibbli ta' navigazzjoni fuq is-sit web tal-Kunsill. Ċerti cookies jintużaw biex niksbu statistika aggregata dwar iż-żjarat fuq is-sit web biex jgħinuna nibqgħu ntejbu s-sit u nservu l-ħtiġijiet tiegħek aħjar. Cookies oħrajn jintużaw biex itejbu l-prestazzjoni u jiggarantixxu s-sigurtà tas-sit web.
Bil-permess tiegħek, ser nużaw cookies ta' AT Internet biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Biex tikseb aktar tagħrif dwar dawn il-cookies, kif u għaliex nużawhom u kif tista' tbiddel is-settings tiegħek, jekk jogħġbok ara l-paġna tal-politika tagħna dwar il-cookies.
Il-Kunsill Ewropew jiddefinixxi d-direzzjoni u l-prijoritajiet politiċi ġenerali tal-UE. Mhuwiex wieħed mill-istituzzjonijiet tal-UE b'setgħat leġislattivi, u għalhekk ma jinnegozjax u ma jadottax liġijiet tal-UE. Minflok, huwa jistabbilixxi l-aġenda ta' politika tal-UE, tradizzjonalment bl-adozzjoni ta' "konklużjonijiet" waqt il-laqgħat tal-Kunsill Ewropew li jidentifikaw kwistjonijiet ta' tħassib u azzjonijiet li għandhom jittieħdu.
Il-membri tal-Kunsill Ewropew huma l-kapijiet ta' stat jew ta' gvern tat-28 stat membru tal-UE, il-President tal-Kunsill Ewropew u l-President tal-Kummissjoni Ewropea.
Il-Kunsill Ewropew jiddefinixxi d-direzzjoni u l-prijoritajiet politiċi ġenerali tal-UE
Ir-Rappreżentant Għoli tal-Unjoni għall-Affarijiet Barranin u l-Politika ta' Sigurtà wkoll tieħu sehem fil-laqgħat tal-Kunsill Ewropew meta jiġu diskussi kwistjonijiet marbutin mal-affarijiet barranin.
Proċess deċiżjonali
Fil-parti l-kbira tal-każijiet, il-Kunsill Ewropew jieħu d-deċiżjonijiet tiegħu b'kunsens. Madankollu, f'ċerti każijiet speċifiċi deskritti fit-trattati tal-UE, huwa jiddeċiedi b'unanimità jew b'maġġoranza kwalifikata.
Jekk jittieħed vot, la l-President tal-Kunsill Ewropew u lanqas il-President tal-Kummissjoni ma jieħdu sehem.
Il-President Charles Michel wassal id-diskors tiegħu lill-mexxejja miġbura f'Madrid għall-Konferenza tan-Nazzjonijiet Uniti dwar it-Tibdil fil-Klima (COP 25).
Il-Presidenti Michel, Sassoli, Von der Leyen u Lagarde ltaqgħu f'Dar l-Istorja Ewropea biex jiċċelebraw l-għaxar anniversarju tat-Trattat ta' Lisbona u l-bidu taċ-ċiklu istituzzjonali l-ġdid.
During the handover ceremony, incoming European Council President Charles Michel thanked outgoing President Donald Tusk for his work during his mandate expiring on 30/11/2019.
In this final report, President Donald Tusk looks back at the work of the European Council, where the leaders of the European Union meet, from July 2018 to November 2019.
On Friday, 29 November 2019, there will be a handover between ongoing President of the European Council Donald Tusk and incoming President Charles Michel.
Fi Bruges, il-President Donald Tusk ta d-diskors ewlieni fiċ-ċerimonja tal-ftuħ tas-sena akkademika 2019/2020 fil-Kulleġġ tal-Ewropa dwar dak li tgħallem miż-żewġ termini tiegħu bħala President tal-Kunsill Ewropew u l-ġlieda kostanti għall-għaqda tal-UE.
Weekly schedule of President-elect Charles Michel 14-22 November 2019
Donald Tusk, l-eks President tal-Kunsill Ewropew, jispjega x'jiġri waqt is-summits tal-UE
Laqgħat tal-Kunsill Ewropew
Il-Kunsill Ewropew jiltaqa' mill-inqas darbtejn kull sitt xhur. Il-laqgħat tiegħu, sikwit imsejħa "summits tal-UE", isiru fi Brussell, fil-bini Europa.
Il-laqgħat huma ppreseduti mill-President tal-Kunsill Ewropew. Il-President jista' wkoll ilaqqa' lill-Kunsill Ewropew b'mod straordinarju, meta dan ikun meħtieġ.
Il-President tal-Parlament Ewropew jattendi l-bidu ta' kull laqgħa, biex ifisser il-fehmiet tal-Parlament Ewropew. Nies oħrajn, bħall-President tal-Bank Ċentrali Ewropew, jistgħu jiġu mistiedna jattendu għal-laqgħat, skont il-kwistjonijiet li jkunu qed jiġu diskussi.
Il-konferenza hija mfassla biex jittieħdu l-passi kruċjali li jmiss fil-proċess tan-NU dwar it-tibdil fil-klima. Għan ewlieni huwa li jiġu kkompletati diversi kwistjonijiet fir-rigward tal-operazzjonalizzazzjoni sħiħa tal-Ftehim ta' Pariġi dwar it-Tibdil fil-Klima.
Il-mexxejja tal-UE ltaqgħu fis-17 u t-18 ta' Ottubru 2019 biex jiddiskutu għadd ta' kwistjonijiet importanti, inkluż il-Brexit, il-baġit fit-tul tal-UE, it-tkabbir tal-UE, it-Turkija, il-klima u l-prijoritajiet għall-ħames snin li ġejjin.
Il-mexxejja tal-UE u tal-Kanada ltaqgħu f'Montreal biex jintensifikaw ir-relazzjonijiet bejn l-UE u l-Kanada u jiddiskutu oqsma futuri ta' kooperazzjoni. Il-President Tusk irrappreżenta l-UE u l-Prim Ministru Justin Trudeau rrappreżenta lill-Kanada waqt is-summit.
Fis-summit, il-mexxejja tal-UE u tal-Ukrajna affermaw mill-ġdid is-saħħa tar-rabtiet politiċi u ekonomiċi fir-relazzjonijiet bejn l-UE u l-Ukrajna. Il-President Donald Tusk u l-President Jean-Claude Juncker irrappreżentaw lill-UE fis-summit.
Fit-28 u d-29 ta' Ġunju, il-mexxejja tal-G20 iltaqgħu f'Osaka biex jindirizzaw l-isfidi ekonomiċi globali ewlenin. L-UE ppromwoviet il-multilateraliżmu u l-kummerċ ibbażat fuq ir-regoli f'kuntest ta' kummerċ u tensjonijiet ġeopolitiċi li żdiedu.
L-ewwel laqgħa tal-Kunsill Ewropew f'Dublin fil-11 ta' Marzu 1975
Storja tal-Kunsill Ewropew
Il-Kunsill Ewropew ġie stabbilit fl-1974 bħala forum informali għal diskussjonijiet bejn il-kapijiet ta' stat jew ta' gvern tal-istati membri tal-UE. Dan malajr żviluppa rwol bħala l-korp responsabbli biex jistabbilixxi l-għanijiet u l-prijoritajiet tal-UE.
Skont it-Trattat ta' Maastricht fl-1992, il-Kunsill Ewropew akkwista status u rwol formali - biex jagħti l-impetu u linji gwida politiċi ġenerali lill-UE.
Fl-2009, wara t-tibdil introdott mit-Trattat ta' Lisbona, il-Kunsill Ewropew sar wieħed mis-seba' istituzzjonijiet tal-UE.
