Konklużjonijiet tal-Kunsill Ewropew

X'inhuma l-konklużjonijiet tal-Kunsill Ewropew?

Il-konklużjonijiet tal-Kunsill Ewropew jiġu adottati f'kull laqgħa tal-Kunsill Ewropew.

• Kalendarju tal-laqgħat tal-Kunsill Ewropew

Dawn jintużaw biex jidentifikaw kwistjonijiet speċifiċi ta' tħassib għall-UE u jiddeskrivu azzjonijiet partikolari li għandhom jittieħdu jew għanijiet li għandhom jintlaħqu. Il-konklużjonijiet tal-Kunsill Ewropew jistgħu wkoll jistabbilixxu data ta' skadenza biex jintlaħaq qbil dwar punt partikolari jew biex tiġi ppreżentata proposta leġiżlattiva.

B'dan il-mod, il-Kunsill Ewropew jista' jinfluwenza u jiggwida l-aġenda politika tal-UE.

Fejn nista' nsib il-konklużjonijiet tal-Kunsill Ewropew?

Il-konklużjonijiet tal-Kunsill Ewropew mill-2004 'l quddiem huma disponibbli fir-reġistru pubbliku tad-dokumenti uffiċjali.

• Konklużjonijiet tal-Kunsill Ewropew (2004-sal-lum)

Il-konklużjonijiet ta' qabel l-2004 huma disponibbli fil-ħoloq ta' hawn taħt.

• Konklużjonijiet tal-Kunsill Ewropew (1993-2003)
• Konklużjonijiet tal-Kunsill Ewropew (1975-1992)

Niġbdu l-attenzjoni li l-konklużjonijiet tal-Kunsill Ewropew huma disponibbli biss bil-lingwi tal-pajjiżi li kienu stati membri tal-UE dak iż-żmien.

Kif jiġu adottati l-konklużjonijiet tal-Kunsill Ewropew?

Qabel il-laqgħa tal-Kunsill Ewropew, il-President tal-Kunsill Ewropew ifassal l-ewwel abbozz u r-reviżjonijiet sussegwenti.

Dawn imbagħad jiġu diskussi mir-rappreżentanti permanenti tal-istati membri fi Brussell (Coreper 2) u mill-ministri għall-affarijiet Ewropej imlaqqgħin fil-Kunsill Affarijiet Ġenerali u aktar tard adottati fil-laqgħa tal-Kunsill Ewropew.

Il-konklużjonijiet jiġu adottati b'kunsens bejn l-istati membri kollha tal-UE.

Dan ifisser li parti sew mill-konklużjonijiet tkun ġiet maqbula fit-tħejjija għal-laqgħa biex b'hekk waqt il-laqgħa l-mexxejja jkunu jistgħu jiffukaw fuq ir-riżoluzzjoni ta' kwalunkwe kwistjoni pendenti.

• Coreper II
• Kunsill Affarijiet Ġenerali (KAĠ)

Laqgħat informali u straordinarji

Il-Kunsill Ewropew ikollu wkoll laqgħat informali jew speċjali tal-kapijiet ta' stat jew ta' gvern.

Wara dawn il-laqgħat, il-mexxejja normalment jadottaw stqarrija jew dikjarazzjoni minflok konklużjonijiet uffiċjali.

Dawn id-dokumenti mhumiex disponibbli fir-reġistru pubbliku. Dawk adottati mill-2004 huma disponibbli fil-ħolqa ta' hawn taħt:

• Dokumenti informali jew straordinarji tal-Kunsill Ewropew

Ara wkoll