Kunsill taż-Żona Ekonomika Ewropea, 21 ta' Mejju 2025

Riżultati ewlenin

Is-60 laqgħa tal-Kunsill taż-Żona Ekonomika Ewropea ("ŻEE") saret Brussell fil-21 ta' Mejju 2025.

Il-Kunsill taż-ŻEE ddiskuta l-funzjonament ġenerali tal-Ftehim dwar iż-Żona Ekonomika Ewropea (Ftehim ŻEE) u kellu dibattitu ta' orjentazzjoni dwar "Is-Sigurtà Ekonomika u ż-Żona Ekonomika Ewropea".

Il-Kunsill taż-ŻEE adotta wkoll konklużjonijiet dwar kwistjonijiet marbutin mal-Ftehim dwar iż-ŻEE, il-kooperazzjoni bejn l-istati tal-UE u dawk taż-ŻEE-EFTA u kwistjonijiet ta' interess reċiproku.

• Konklużjonijiet tas-60 laqgħa tal-Kunsill taż-ŻEE

  Din ir-riżorsa bħalissa hi disponibbli biss bil-lingwa jew il-lingwi li ġejjin:

  EN

Il-laqgħa kienet ippreseduta mis-Sur Michał Baranowski, Sottosegretarju tal-Istat, Ministeru għall-Iżvilupp Ekonomiku u t-Teknoloġija tal-Polonja, li jirrappreżenta l-Presidenza tal-Kunsill tal-UE. Il-laqgħa kienet kopreseduta mis-Sa Sabine Monauni, Viċi Prim Ministru, Ministru għall-Affarijiet Barranin, l-Ambjent u l-Kultura tal-Liechtenstein.

Attendew għaliha:

- Is-Sa Þorgerður Katrín Gunnarsdóttir, Ministru għall-Affarijiet Barranin tal-Iżlanda,

- u s-Sur Espen Barth Eide, Ministru għall-Affarijiet Barranin tan-Norveġja, kif ukoll il-Kummissarju Maroš Šefčovič u rappreżentanti tas-Servizz Ewropew għall-Azzjoni Esterna.

Id-djalogu politiku

Il-laqgħa tal-Kunsill taż-ŻEE ġiet segwita minn djalogu politiku informali mal-istati taż-ŻEE-EFTA. Id-diskussjonijiet iffukaw fuq ir-relazzjonijiet trans-Atlantiċi, l-Ukrajna/ir-Russja, l-Artiku u l-Lvant Nofsani.

F'din l-okkażjoni, ġiet iffirmata Dikjarazzjoni Konġunta dwar "It-tisħiħ tal-kooperazzjoni fil-politika estera u ta' sigurtà taż-ŻEE" mir-Rappreżentant Għoli għall-Affarijiet Barranin u l-Politika ta' Sigurtà, is-Sa Kaja Kallas u l-Ministri tal-Iżlanda, il-Liechtenstein u n-Norveġja.