Ir-Raba' Konferenza mal-Albanija dwar l-Adeżjoni, 14 ta' April 2025

Riżultati ewlenin

Ir-raba' laqgħa fil-livell ministerjali tal-Konferenza mal-Albanija dwar l-Adeżjoni saret illum fil-Lussemburgu.

Il-laqgħa serviet biex jinfetħu n-negozjati mal-Albanija dwar il-Ġabra 2 "Suq intern", inkluż il-kapitoli ta' negozjar li ġejjin:

• Kapitolu 1 - Il-moviment liberu tal-merkanzija,
• Kapitolu 2 - Il-moviment liberu tal-ħaddiema,
• Kapitolu 3 - Id-dritt ta' stabbiliment u l-libertà li jiġu pprovduti servizzi,
• Kapitolu 4 - Il-moviment liberu tal-kapital,
• Kapitolu 6 - Id-dritt tal-kumpaniji,
• Kapitolu 7 - Id-dritt tal-proprjetà intellettwali,
• Kapitolu 8 – Il-politika dwar il-kompetizzjoni,
• Kapitolu 9 – Is-servizzi finanzjarji, u
• Kapitolu 28 – Il-protezzjoni tal-konsumatur u tas-saħħa

Id-delegazzjoni tal-Unjoni Ewropea kienet immexxija mis-Sur Radosław Sikorski, Ministru għall-Affarijiet Barranin, f'isem il-Presidenza Pollakka tal-Kunsill tal-Unjoni Ewropea, bil-parteċipazzjoni tal-Kummissarju għat-Tkabbir Marta Kos. Id-delegazzjoni Albaniża tmexxiet mis-Sur Edi Rama, Prim Ministru tal-Albanija.

Illum, iltqajna għall-ewwel Konferenza Intergovernattiva taħt il-presidenza Pollakka ma' wieħed mill-pajjiżi kandidati. It-tkabbir tal-UE jibqa' fil-qalba tal-prijoritajiet tagħna. Dan il-progress tanġibbli jirrifletti l-impenn qawwi tagħna għas-sħab tagħna fil-Balkani tal-Punent, reġjun li huwa importanti ferm għall-istabbiltà u s-sigurtà tal-Unjoni Ewropea.

Radosław Sikorski, Ministru għall-Affarijiet Barranin, f'isem il-Presidenza Pollakka tal-Kunsill tal-Unjoni Ewropea

• Konferenza mal-Albanija dwar l-Adeżjoni: l-UE tiftaħ negozjati dwar il-kapitoli dwar is-suq intern, 14 ta' April 2025
• Pożizzjoni komuni tal-UE dwar il-Ġabra 2
• Albanija (informazzjoni ġenerali)
• Politika tat-tkabbir tal-UE (informazzjoni ġenerali)