Illum il-Kunsill adotta rakkomandazzjonijiet li japprovaw l-ewwel pjanijiet fiskali-strutturali fuq terminu medju li qatt saru u li jistabbilixxu l-perkorsi tan-nefqa netta għal 21 stat membru.

Il-Kunsill approva l-valutazzjoni pożittiva tal-Kummissjoni tal-pjanijiet emendati għall-irkupru u r-reżiljenza ppreżentati mill-Greċja, Ċipru u Spanja.

Illum il-Kunsill u l-Parlament laħqu qbil proviżorju biex jiġu ssimplifikati ċerti rekwiżiti ta' rapportar fil-qasam tas-servizzi finanzjarji u l-appoġġ għall-investiment. Ir-regolament il-ġdid ser inaqqas il-piż amministrattiv għall-awtoritajiet fis-settur finanzjarju, billi jissimplifika r-regoli eżistenti dwar il-kondiviżjoni tad-data bejn l-Awtoritajiet Superviżorji Ewropej (ASE) u awtoritajiet oħra tas-settur finanzjarju u billi jillimita r-rekwiżiti ġodda ta' rapportar.

Illum il-Kunsill adotta regoli aġġornati tal-UE dwar l-importazzjoni, l-esportazzjoni u t-tranżitu tal-armi tan-nar. Ir-regolament il-ġdid għandu l-għan li jimla l-lakuni sfruttati għat-traffikar tal-armi tan-nar filwaqt li jiffaċilita l-kummerċ u l-moviment leġittimi tal-armi tan-nar.

Il-Kunsill u l-Parlament Ewropew laħqu ftehim proviżorju dwar proposta biex ir-regoli tal-UE dwar il-parametri referenzjarji finanzjarji jsiru aktar faċli u inqas ta' piż għall-kumpaniji tal-UE, b'mod partikolari l-SMEs, li jimmaniġġaw il-parametri referenzjarji.

Illum il-Kunsill approva l-valutazzjoni pożittiva tal-Kummissjoni tal-pjanijiet emendati għall-irkupru u r-reżiljenza ppreżentati mill-Iżvezja, is-Slovenja, id-Danimarka u l-Belġju.

Il-Kunsill laħaq qbil politiku dwar direttiva ġdida li twitti t-triq għall-introduzzjoni ta' ċertifikat tat-taxxa elettroniku għall-eżenzjonijiet mill-VAT.

Illum il-Kunsill adotta d-direttiva FASTER, li tistabbilixxi proċeduri aktar sikuri u aktar rapidi biex jinkiseb ħelsien minn taxxa doppja. Dan ser jinkoraġġixxi l-investiment transfruntier u jgħin fil-ġlieda kontra l-abbuż tat-taxxa.

Illum il-Kunsill laħaq qbil dwar qafas propost għall-Aċċess għad-Data Finanzjarja (FIDA) li għandu l-għan li jiftaħ l-aċċess tal-istituzzjonijiet finanzjarji għad-data tal-klijenti ta' xulxin.

Illum, il-Kunsill approva t-test konġunt dwar il-baġit ġenerali tal-UE għall-2025. It-test konġunt ġie maqbul f'negozjati mal-Parlament Ewropew fis-16 ta' Novembru 2024. L-impenji totali huma stabbiliti għal €192 768.6 miljun u l-pagamenti totali għal €149 615.7 miljun, minbarra l-approprjazzjonijiet previsti għal strumenti speċjali barra mill-qafas finanzjarju pluriennali għall-2021-2027 (QFP).

Illum il-Kunsill adotta regolament ġdid dwar l-attivitajiet ta' klassifikazzjoni ambjentali, soċjali u ta' governanza (ESG). Ir-regoli l-ġodda għandhom l-għan li jagħmlu l-attivitajiet ta' klassifikazzjoni fl-UE aktar konsistenti, trasparenti u komparabbli sabiex tingħata spinta lill-fiduċja tal-investituri fi prodotti finanzjarji sostenibbli.

Illum il-Kunsill adotta regoli ġodda li jirrevedu r-regolament u d-direttiva dwar l-infrastruttura tas-suq Ewropew (EMIR). Ir-regoli l-ġodda għandhom l-għan li jagħmlu x-xenarju tal-ikklerjar tal-UE aktar attraenti u reżiljenti, jappoġġaw l-awtonomija strateġika miftuħa tal-UE u jippreservaw l-istabbiltà finanzjarja tal-UE.

Illum il-Kunsill approva l-valutazzjoni pożittiva tal-Kummissjoni tal-pjan għall-irkupru u r-reżiljenza emendat tal-Italja.

Illum il-Kunsill qabel li jimmobilizza €116 miljun f'għajnuna f'każ ta' diżastru mill-Fond ta' Solidarjetà tal-Unjoni Ewropea biex tingħata assistenza lill-Ġermanja u lill-Italja b'rabta mad-diżastri naturali li seħħew fl-2024. L-assistenza ser tiġi mill-baġit tal-UE tal-2024.

Il-Kunsill u l-Parlament Ewropew illum laħqu qbil dwar il-baġit annwali tal-UE għall-2025. Il-baġit tas-sena d-dieħla jiffoka b'mod qawwi fuq il-prijoritajiet politiċi ewlenin tal-UE u jindirizza l-kuntest ġeopolitiku diffiċli ta' bħalissa.

L-impenji totali huma stabbiliti għal €192 768.6 miljun u l-pagamenti totali għal €149 615.7 miljun, esklużi l-approprjazzjonijiet previsti għal strumenti speċjali barra mill-QFP.

Illum il-Kunsill adotta bidliet fil-qafas legali tal-UE dwar l-iżvilupp, il-produzzjoni u t-tixrid tal-istatistika Ewropea, li jimmarkaw pass sinifikanti fil-modernizzazzjoni tas-Sistema Ewropea tal-Istatistika.

Fl-2023, l-Unjoni Ewropea u s-27 stat membru tagħha kkontribwew €28.6 biljun f'finanzjament għall-klima minn sorsi pubbliċi u mmobilizzaw ammont addizzjonali ta' €7.2 biljun f'finanzjament privat biex jappoġġaw lill-pajjiżi li qed jiżviluppaw biex inaqqsu l-emissjonijiet tagħhom ta' gassijiet serra u jadattaw għall-impatti tat-tibdil fil-klima.

The Council approved the Commission’s positive assessment of the Netherlands’ and Czechia’s amended recovery and resilience plans.

Il-Kunsill laħaq qbil dwar miżuri ġodda li jadattaw ir-regoli tal-UE dwar it-taxxa fuq il-valur miżjud (VAT) għall-era diġitali.

Il-Kunsill adotta bidliet għad-direttiva tal-UE dwar Solvenza II, l-att leġiżlattiv ewlieni tal-UE fil-qasam tal-assigurazzjoni, kif ukoll regoli ġodda dwar l-irkupru u r-riżoluzzjoni tal-assigurazzjoni (IRRD). Il-bidliet għandhom l-għan li jiżguraw li s-settur tal-assigurazzjoni jkun adattat għall-futur u li jikkontribwixxi bis-sħiħ għall-unjoni tas-swieq kapitali.