Cad atá ar siúl – taispeántais agus imeachtaí

Taispeántais

Eagraíonn foireann na cartlanna taispeántais chun eolas ar stair na hEorpa agus ar lánpháirtiú na hEorpa a chothú. Anseo thíos tá roinnt de na taispeántais ar líne a chruthaigh an Chartlann roimhe seo ar ócáidí éagsúla.

An tSicil san Eoraip, an Eoraip sa tSicil

Taispeántas doiciméad ó Chartlann Stairiúil an Aontais, grianghraif ó Chartlann Alinari agus ábhar ó chartlann Uachtaránacht Phoblacht na hIodáile agus ó Sheanad na hIodáile. Is é is aidhm don taispeántas ceann de na cora cinniúnacha i bpróiseas na lánpháirtíochta Eorpaí a léiriú – Comhdháil Messina 1955.

• Tabhair cuairt ar an taispeántas
• Íoslódáil an bróisiúr

Aontas buandlúite: tionchar Chonarthaí na Róimhe ar Eoraip na linne seo 1957-2017

Taispeántas grianghraf agus doiciméad a cruthaíodh i gcomhar le Cartlann Stairiúil an Aontais, leis an gCoimisiún Eorpach, le Parlaimint na hEorpa, le hUachtaránacht na hIodáile ar an gComhairle, le hAireacht Gnóthaí Eachtracha na hIodáile agus le ANSA chun Conarthaí na Róimhe a cheiliúradh (1957). Tugtar aird sa taispeántas ar fhréamhacha na gconarthaí sin i bhfianaise na bhfeiniméan sóisialta, cultúrtha agus eacnamaíoch a raibh tionchar acu ar an Eoraip i ndiaidh an Dara Cogadh Domhanda agus rianaítear tionchar fadtéarmach phróiseas na lánpháirtíochta Eorpaí, próiseas a d’eascair as na feiniméin sin, ar shaol laethúil shaoránaigh na hEorpa.

• Tabhair cuairt ar an taispeántas
• Íoslódáil an bróisiúr

Colúin na hEorpa: Oidhreacht Chonradh Maastricht i ndiaidh 25 bliana a bheith caite

Cor cinniúnach i bpróiseas na lánpháirtíochta Eorpaí ab ea Conradh Maastricht. Den chéad uair riamh, rinneadh uaillmhian an aontais pholaitiúil a chur ar bhonn foirmiúil, ag bogadh ar aghaidh ó chuspóir tosaigh na lánpháirtíochta eacnamaíche mar ionstraim le haghaidh athmhuintearas polaitiúil. Leis an taispeántas, déantar ceiliúradh ar chomóradh theacht i bhfeidhm Chonradh Maastricht an 1 Samhain 1993 agus ar bhunú an Aontais Eorpaigh.

• Tabhair cuairt ar an taispeántas
• Íoslódáil an bróisiúr

Airteagail

Lean na naisc thíos chun roinnt de na foilseacháin ón gcartlann a léamh:

• Lá Idirnáisiúnta na gCartlann: faigh amach faoin gcaoi a gcaomhnaíonn an Chartlann ár n-oidhreacht
• Dearbhú Schuman: as a dtáinig an tAontas Eorpach
• 35 bliana tar éis shíniú Chomhaontú Schengen
• Cén chaoi ar éirigh linn airgeadra aonair a bhaint amach?
• An tAonad Airgeadra Eorpach ‘trioblóideach’: réamhtheachtaí an airgeadra aonair
• An tAonad Airgeadra Eorpach, euro nó euromark? Ainm an airgeadra aonair
• Taobh coiteann an bhoinn euro

Gnéscéalta

Féach ar ár scéalta idirghníomhacha thíos.