Blaisíní breise

Tá sé ríthábhachtach cearta maoine intleachtúla (CMI) a chosaint chun infheistíocht sa taighde agus san fhorbairt a chothú, agus cruthaitheacht agus iomaíocht chóir a chur chun cinn ag an am céanna.

Tá earraí a allmhairítear isteach san Aontas ón gcuid eile den domhan faoi réir taraifí a leanann rialacha agus prionsabail na hEagraíochta Domhanda Trádála.

Le scéimeanna cáilíochta an Aontais déantar oidhreacht táirgí talmhaíochta an Aontais a choimirciú. Is tríothu sin a aithníonn tomhaltóirí táirgí ar ardchaighdeán agus cuireann siad deiseanna sa mhargadh ar fáil do tháirgeoirí, táirgeoirí taobh amuigh den Aontas ina measc.

Aithnítear sa Ghníomh Eorpach um Shliseanna an ról ríthábhachtach atá ag micrishliseanna i ngach rud ó earraí leictreonacha tomhaltóirí go bonneagar criticiúil agus, lena chois sin, a rannpháirtíocht thábhachtach in iomaíochas an Aontais.

Is é is aidhm don Chomhaontú Glas don Eoraip, Eoraip níos glaine, níos sláintiúla agus aeráidneodrach a chruthú tríd an mbealach a dtáirgimid agus a dtomhlaímid a athrú ó bhonn.

Tá an chuid is mó de chórais IS sábháilte agus tairbheach, agus cuireann siad feabhas ar éifeachtúlacht agus ar choigilteas costais. Mar sin féin, tá rioscaí, cuir i gcás an t-idirdhealú, ag baint le cuid acu, rud a éilíonn rialáil chúramach.

Tá rialacha leagtha síos ag an Aontas do ghnólachtaí chun a chruthú go bhfuil bunús leis an maíomh glas maidir le hinbhuanaitheacht a dhéanann siad, agus chun a chinntiú nach gcuirfear tomhaltóirí amú de dheasca an ghlas-snasaithe agus cleachtais tráchtála éagóracha.

Fágann rialacha éicidhearthóireachta an Aontais go bhfuil táirgí a chuirtear ar mhargadh an Aontais níos inbhuanaithe ó thaobh an chomhshaoil de, níos tíosaí ar fhuinneamh, níos marthanaí agus níos ciorclaí.

Is fadhb dhomhanda go fóill í úsáid an tsaothair éignithe i monarú táirgí agus tá gá le comhrialacháin idirnáisiúnta chun í a réiteach. Le reachtaíocht nua an Aontais, cuirfear deireadh go héifeachtach le táirgí a dhéantar le saothar éignithe i margadh an Aontais.

Le comhaontuithe trádála an Aontais, múnlaítear an caidreamh trádála le tíortha nach bhfuil san Aontas, agus é mar aidhm deiseanna trádála níos fearr a chruthú agus bacainní ar thrádáil a shárú.