Blaisíní breise

Tá an tAontas ag obair i réimsí éagsúla chun gur fearr a bheidh sé in ann freagairt ar ghéarchéimeanna agus chun feabhas a chur ar a athléimneacht i leith dúshláin a bheidh ann amach anseo.

Ceapadh an gníomh um éigeandáil agus athléimneacht sa mhargadh inmheánach (IMERA), ar a dtugtaí an ionstraim éigeandála le haghaidh an mhargaidh aonair (SMEI) roimhe seo, chun a chinntiú go mbeidh an tAontas níos ullmhaithe do ghéarchéimeanna a bheidh ann amach anseo agus níos athléimní ina leith.

Is ionstraim iad smachtbhannaí chun coinbhleacht a chosc nó chun freagairt ar ghéarchéimeanna atá ag teacht chun cinn nó atá ann faoi láthair, agus chun síocháin, daonlathas, urraim don smacht reachta, cearta an duine agus an dlí idirnáisiúnta a chur chun cinn.

Ar cheann de na sásraí atá i bhfearas ag an Aontas chun freagairt ar ghéarchéim tá socruithe comhtháite i leith freagairt pholaitiúil ar ghéarchéim (IPCR). Féadfaidh uachtaránacht na Comhairle úsáid a bhaint as chun an fhreagairt pholaitiúil a chomhordú i gcás géarchéim mhór chasta, lena n-áirítear gníomhartha sceimhlitheoireachta.