Uainiú Bhuiséad an Aontais Eorpaigh (féilire pragmatach)

I mí Feabhra, glacann an Chomhairle agus Parlaimint na hEorpa treoirlínte

I mí an Mhárta, tagann an Chomhairle agus Parlaimint na hEorpa le chéile chun a gcuid tosaíochtaí a chur i láthair a chéile agus chun teacht ar chomhaontú faoi na príomhdhátaí

Faoi dheireadh mhí na Bealtaine de ghnáth, dréachtaíonn an Coimisiún an dréachtbhuiséad agus cuireann sé faoi bhráid na Comhairle agus Pharlaimint na hEorpa é

I mí Iúil, bunaíonn an Chomhairle a seasamh

I mí Mheán Fómhair, glacann an Chomhairle a seasamh agus cuireann sí chuig Parlaimint na hEorpa é

Laistigh de 42 lá, formheasann Parlaimint na hEorpa an seasamh ón gComhairle nó glacann sí leasuithe air

I mí Dheireadh Fómhair, mura n-aontaíonn an Chomhairle le leasuithe na Parlaiminte, tionótar Coiste Idir-réitigh (CI) a bhfuil 21 lá aige chun teacht ar chomhaontú maidir le téacs comhpháirteach.
Tíolacann a Coimisiún litir leasaitheach chun nuashonrú a dhéanamh ar an mbuiséad leis na tuartha is déanaí don bhliain dar gcionn.

Má thagann an Coiste Idir-réitigh ar chomhaontú maidir le téacs comhpháirteach, tá 14 lá ag an gComhairle agus ag Parlaimint na hEorpa chun é a fhormheas. Ansin, glactar an buiséad bliantúil.

Mura dtagann an Chomhairle agus Parlaimint na hEorpa ar chomhaontú, beidh ar an gCoimisiún dréachtbhuiséad bliantúil nua a thíolacadh.

Mura mbeidh an buiséad bliantúil glactha fós i dtús na bliana nua, beidh feidhm ag córas na ndóú codanna déag sealadacha: leithdháiltear aon dóú cuid déag de bhuiséad na bliana roimhe sin do gach mí.

Uainiú bhuiséad an Aontais