An trádáil idir an tAontas agus Ceanada: fíricí agus figiúirí
Idir an tAontas agus Ceanada, tá daonra iomlán de thart ar 490 milliún ann. Is iad beagnach an cúigiú cuid de OTI an domhain iad agus thart ar 19 % den trádáil dhomhanda in earraí agus seirbhísí iad.
Tá an caidreamh trádála idir an tAontas agus Ceanada bunaithe ar an gComhaontú Cuimsitheach Eacnamaíoch agus Trádála (CETA) idir an tAontas agus Ceanada atá á chur i bhfeidhm go sealadach ó mhí Mheán Fómhair 2017.
In 2025, b’ionann an trádáil in earraí agus seirbhísí idir an tAontas agus Ceanada agus os cionn €130 billiún.
Barrachairt ina léirítear luachanna allmhairí agus onnmhairí earraí agus seirbhísí idir an tAontas agus Ceanada.
Earraí:
- allmhairí: €32.8 billiún
- onnmhairí: €48.9 billiún
Seirbhísí:
- allmhairí: €19.7 billiún
- onnmhairí: €29.4 billiún
Is é Eurostat foinse na sonraí.
Trádáil in earraí
€81.5 billiún ba luach don trádáil in earraí idir an tAontas agus Ceanada in 2025. Ba é an tAontas an dara comhpháirtí trádála a bhí ag Ceanada, arbh ionann é agus beagnach 8.7 % dá trádáil. Ba é Ceanada an dara comhpháirtí dhéag a bhí ag an Aontas.
Allmhairí an Aontais dar luach €32.8 billiún ó Cheanada
Onnmhairí an Aontais dar luach €48.7 billiún chuig Ceanada
Na hearraí is mó a thrádáiltear idir an tAontas agus Ceanada
Innealra
Ceimiceáin agus táirgí cógaisíochta
táirgí mianracha (allmhairí an Aontais)
Trealamh iompair (onnmhairí ón Aontas)
Trádáil seirbhísí
In 2025, b’fhiú €49 mbilliún an trádáil in earraí idir an tAontas agus Ceanada.
Allmhairí an Aontais dar luach €19.7 billiún ó Cheanada
Onnmhairí an Aontais dar luach €29.4 billiún chuig Ceanada
Na seirbhísí is mó a thrádáiltear idir an tAontas agus Ceanada
Seirbhísí gairmiúla, eolaíocha agus teicniúla
Taisteal
Iompar
Seirbhísí teileachumarsáide, ríomhaireachta agus faisnéise
Comhaontú cuimsitheach eacnamaíoch agus trádála idir an tAontas agus Ceanada
Tá an comhaontú trádála sin á chur i bhfeidhm go sealadach ó mhí Mheán Fómhair 2017. Chuir Ceanada agus an tAontas deireadh le 98% dá dtaraifí.
Idir 2016 agus 2025, tháinig méadú os cionn 76 % ar thrádáil in earraí agus tháinig méadú thart ar 90 % ar thrádáil i seirbhísí. Ach iad a chur le chéile, tháinig méadú os cionn 80 % ar thrádáil earraí agus seirbhísí araon idir 2016 agus 2025.
De réir meastóireacht ex post ar CETA, tá OTI an Aontais €3.2 billiún níos airde gach bliain mar gheall ar an gcomhaontú.
Príomhbhuntáistí CETA:
- cuirtear deireadh le formhór na ndleachtanna custaim agus laghdaítear an rómhaorlathas
- is fusa do mhuintir na hEorpa a bheith ag obair i gCeanada
- cinntítear go bhfuil rochtain ag cuideachtaí an Aontais ar mhargadh seirbhísí Cheanada
- cruthaítear dálaí intuartha d’infheisteoirí an Aontais agus Cheanada araon
Infheistíocht dhíreach choigríche
Ba é luach carnach stoic infheistíochta dírí coigríche (IDC) an Aontais i gCeanada €244.7 billiún in 2024. Ba é €230 billiún luach carnach stoic IDC Cheanada in AE-27.
Foinsí na sonraí
Ba i mí an Mheithimh 2026 a baineadh na sonraí a úsáideadh ar an leathanach seo agus fuarthas iad ó na tacair sonraí Eurostat seo a leanas:
Féach freisin
An t-athbhreithniú deireanach: an 22 Deireadh Fómhair 2026