An Chomhairle um Thalmhaíocht agus um Iascach, 07/09/2015, 7 Meán Fómhair 2015

Príomhthorthaí

Forbairtí sa mhargadh

I bhfianaise na n-ábhair imní a cuireadh in iúl, d’athdhearbhaigh an tAontas go dtacaíonn sé le hearnáil na talmhaíochta, a chuidíonn leis an bhfostaíocht, leis an gcomhtháthú sóisialta agus leis an bhforbairt inbhuanaithe agus go leanfar den chuidiú sin. Thug an Chomhairle dá haire an pacáiste tacaíochta atá curtha ar aghaidh ag an gCoimisiún lena gcuirfear EUR 500 milliún ar fáil láithreach bonn d’fheirmeoirí” Fernand Etgen, Uachtarán na Comhairle Talmhaíochta 

Le linn an phlé a rinneadh ag cruinniú urghnách den Chomhairle Talmhaíochta, chuir na hAirí in iúl go bhfuil imní mhór orthu faoi na forbairtí is déanaí i réimse earnálacha talmhaíochta, go háirithe earnáil na déiríochta agus earnáil na muiceola.

Mar fhreagairt ar na deacrachtaí atá os comhair na n-earnálacha sin faoi láthair mhol an Coimisiún pacáiste beart. Tá sé beartaithe leis sin cabhrú aghaidh a thabhairt ar na deacrachtaí atá os comhair feirmeoirí maidir le sreabhadh airgid, margaí a chobhsú agus aghaidh a thabhairt ar fheidhmiú an tslabhra soláthair.

Chuir na hAirí béim ar an tábhacht a bhaineann le freagairt thapa agus éifeachtach maidir leis na deacrachtaí atá os comhair feirmeoirí faoi láthair. Cé gur thacaigh siad leis an bpacáiste a thíolaic an Coimisiún, leag na toscaireachtaí béim ar an ngá atá ann bheith níos cruinne faoin méid atá sa phacáiste. Is pointe tábhachtach do roinnt mhaith toscaireachta í an fhoráil maidir le cúnamh díreach spriocdhírithe atá beartaithe ag an gCoimisiún, go háirithe, an leithdháileadh idir na Ballstáit agus na hearnálacha lena mbaineann . Maidir leis an tsaoráid lena réamhíoctar cuid de na híocaíochtaí díreacha agus na híocaíochtaí forbartha tuaithe, chuir an chuid is mó de na hAirí i bhfios go láidir go bhfuil gá le solúbthacht sna rialuithe le gur fusa an cur chun feidhme. Go ginearálta, sa mheántéarma, mheas siad gur saincheisteanna tábhachtacha iad bearta cur chun cinn a neartú agus an obair atá beartaithe maidir leis an tslabhra soláthair.

Dúirt Uachtarán na Comhairle Talmhaíochta, an tUasal Etgen: “I bhfianaise na n-ábhair imní a cuireadh in iúl, d’athdhearbhaigh an tAontas go dtacaíonn sé le hearnáil na talmhaíochta, a chuidíonn leis an bhfostaíocht, leis an gcomhtháthú sóisialta agus leis an bhforbairt inbhuanaithe agus go leanfar den chuidiú sin. Thug an Chomhairle dá haire an pacáiste tacaíochta atá curtha ar aghaidh ag an gCoimisiún lena gcuirfear EUR 500 milliún ar fáil láithreach bonn d’fheirmeoirí”.

• Toradh chruinniú na Comhairle