"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
Físchomhdháil neamhfhoirmiúil na n-airí gnóthaí eachtracha, 11 Lúnasa 2025
Na príomhthorthaí
Fogha na Rúise faoin Úcráin
Phléigh an Chomhairle Gnóthaí Eachtracha na forbairtí is déanaí roimh an gcruinniú atá beartaithe idir an tUachtarán Trump agus an tUachtarán Putin.
Maidir leis an Úcráin, is trí aontacht thrasatlantach, an tacaíocht don Úcráin agus brú a chur ar an Rúis an tslí a gcuirfimid deireadh leis an gcogadh seo agus cosc ar fhogha na Rúise san Eoraip amach anseo. Chuir Airí Gnóthaí Eachtracha an Aontais in iúl go dtacaíonn siad leis na céimeanna ó na Stáit Aontaithe as a n-eascróidh síocháin chóir. Idir an dá linn, táimid ag obair ar níos mó smachtbhannaí i gcoinne na Rúise, ar thacaíocht mhíleata bhreise don Úcráin agus ar thacaíocht bhreise do riachtanais bhuiséadacha na hÚcráine agus dá próiseas aontachais chun dul isteach san Aontas.
Kaja Kallas, Ardionadaí an Aontais do Ghnóthaí Eachtracha agus don Bheartas Slándála agus Uachtarán na Comhairle Gnóthaí Eachtracha
Phléigh airí an Aontais an staid mar sa Mheánoirthear, go háirithe an staid dhaonnúil thubaisteach in Gaza.
Maidir le Gaza, tá an cogadh ag éirí níos contúirtí an t-am ar fad. Is iad seo tosaíochtaí an Aontais i gcónaí: an tacaíocht dhaonnúil, lena n-áirítear rochtain d’eagraíochtaí neamhrialtasacha, sos cogaidh láithreach agus scaoileadh saor na ngiall atá fós á gcoinneáil. Dá mb’ann do réiteach míleata, bheadh an cogadh thart cheana féin.
Kaja Kallas, Ardionadaí an Aontais do Ghnóthaí Eachtracha agus don Bheartas Slándála agus Uachtarán na Comhairle Gnóthaí Eachtracha
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
