Cruinniú mullaigh idir an tAontas Eorpach agus an tSín, Béising, 12-13/07/2016, 12-13 Iúil 2016

Tionóladh an 18ú cruinniú mullaigh déthaobhach idir an tAontas Eorpach agus an tSín ar an 12-13 Iúil i mBéising.

Is iad Uachtarán na Comhairle Eorpaí, Donald Tusk, agus Uachtarán an Choimisiúin Eorpaigh, Jean-Claude Juncker, a rinne ionadaíocht thar ceann an Aontais Eorpaigh. Bhí an Príomh-Aire Li Keqiang i láthair thar ceann na Síne.

• Ráiteas ón Uachtarán Donald Tusk tar éis an 18ú Cruinniú Mullaigh idir an tAontas agus an tSín i mBéising
• Remarks by President Donald Tusk at the EU-China summit in Beijing, 12 July 2016
• Litir ón Uachtarán Donald Tusk agus ón Uachtarán Jean-Claude Juncker chuig Li Keqiang, Príomh-Aire na Síne

An caidreamh idir an tAontas Eorpach agus an tSín

Chuaigh na ceannairí i dtreo comhpháirtíocht straitéiseach idir an tAontas Eorpach agus an tSín.

Chuir siad treoir pholaitiúil ar fáil le go dtabharfaí an comhaontú cuimsitheach maidir le hinfheistíocht chun críche agus shínigh siad treochlár fuinnimh.

Chomhaontaigh na ceannairí freisin babhta eile den idirphlé maidir le cearta an duine a bheith acu idir an tAontas agus an tSín i mbliana arís sa Bhruiséil.

Dúshláin dhomhanda

Phléigh na ceannairí dúshláin choiteanna ag an gcruinniú mullaigh, cosaint an oird idirnáisiúnta a bhunaítear ar rialacha san áireamh.

Roimh chruinniú mullaigh G20, a bheidh ar siúl sa tSín i Meán Fómhair, chomhaontaigh na ceannairí dul i ngleic le géarchéim na himirce ar an leibhéal domhanda.

Tá an tAontas ag tnúth freisin le hoibriú i ndlúthchomhar leis an tSín chun aghaidh a thabhairt ar thosaíochtaí an bheartais eachtraigh, lena n-áirítear an tSiria, an Iaráic, an Afganastáin nó an Afraic. Tá an méid céanna fíor i gcás saincheisteanna domhanda amhail cabhair um fhorbairt nó an t-athrú aeráide.

• Background brief on EU-China summit on 12-13 July 2016
• Bileog eolais: An caidreamh idir an tAontas Eorpach agus an tSín