Cruinniú Mullaigh idir an tAontas agus an India, an Bhruiséil , 30/03/2016, 30 Márta 2016

Ar an 30 Márta 2016, thionóil an tAontas an 13ú cruinniú mullaigh idir an tAontas Eorpach agus an India sa Bhruiséil. Bhí an plé dírithe ar chúrsaí trádála agus infheistíochta, fuinnimh agus aeráide, uisce, imirce agus ar an gcomhbheartas eachtrach agus slándála.

Ghlac na ceannairí a bhí i láthair ag an gcruinniú mullaigh ráiteas comhpháirteach, ina n-athdhearbhaítear go bhfuil siad meáite ar an gcomhpháirtíocht straitéiseach idir an tAontas Eorpach agus an India a neartú.

• Ráiteas Comhpháirteach tar éis an chruinnithe mhullaigh idir an tAontas Eorpach agus an India, 30 Márta 2016

Rinne Donald Tusk, Uachtarán na Comhairle Eorpaí, agus Jean-Claude Juncker, Uachtarán an Choimisiúin Eorpaigh ionadaíocht thar ceann an Aontais Eorpaigh. Rinne an Príomh-Aire Shri Narendra Modi ionadaíocht thar ceann Phoblacht na hIndia.

Comhpháirtíocht idir an tAontas agus an India

Thacaigh na ceannairí le cláir oibre gníomhaíochta 2020 idir an tAontas Eorpach agus an India ina leagfar amach treochlár nithiúil don chéad chúig bliana atá le teacht.

• Clár Oibre gníomhaíochta 2020 idir an tAontas Eorpach agus an India, 30 Márta 2016

Ba dhíol sásaimh dóibh freisin go ndeachthas i mbun plé arís faoin mbealach ina bhféadfaí dul ar aghaidh leis an gcaibidlíocht faoin gComhaontú Trádála agus Infheistíochta idir an tAontas Eorpach agus an India.

Aithníonn an dá thaobh an tábhacht a bhaineann le feabhas a chur ar an gcomhar maidir leis an bhforbairt inbhuanaithe agus le saincheisteanna comhshaoil. Sa chomhthéacs sin, ghlac siad dearbhú comhpháirteach maidir leis an gcomhpháirtíocht uisce idir an India agus an tAontas Eorpach. Ghlac siad dearbhú comhpháirteach maidir le comhpháirtíocht fuinnimh ghlain agus aeráidefreisin.

• Dearbhú comhpháirteach maidir le comhpháirtíocht uisce idir an India agus an tAontas Eorpach, 30 Márta 2016
• Dearbhú comhpháirteach maidir le comhpháirtíocht i ndáil le fuinneamh glan agus leis an aeráid, 30 Márta 2016

Leag an tAontas agus an India béim ar a thábhachtaí agus atá teagmhálacha idir a gcuid saoránach. Ba dhíol sásaimh dóibh gur bunadh clár oibre coiteann maidir leis an imirce agus an tsoghluaisteacht.

• Dearbhú comhpháirteach i ndáil le comhchlár oibre i leith na himirce agus na soghluaisteachta, 29 Márta 2016

Bhí deis ag an mBanc Eorpach Infheistíochta agus ag an India iasacht fadtéarma €450 milliún a chomhaontú ar bhonn foirmiúil ag an gcruinniú mullaigh freisin chun go maoineofaí an chéad líne meitreo in Lucknow.

• Fógraíonn an Banc Eorpach Infheistíochta an iasacht is mó a tugadh don India agus oifig nua, 30 Márta 2016

Beartas eachtrach, cearta an duine agus an tslándáil

Chuir an dá thaobh in iúl go raibh siad tiomanta don beartas eachtrach agus slándála. Leag siad béim freisin ar an tábhacht a bhaineann le comhar maidir le cearta an duine.

Ghlac na ceannairí dearbhú comhpháirteach maidir an bhfrithsceimhlitheoireacht, agus béim á leagan acu ar an ngá atá ann freagairt dhomhanda a thabhairt ar an mbagairt seo.

• Dearbhú comhpháirteach maidir leis an gcomhrac i gcoinne na sceimhlitheoireachta, 30 Márta 2016

Saincheisteanna domhanda

D'athdhearbhaigh na ceannairí an ról lárnach atá ag an G20 chun go mbeadh fás láidir, inbhuanaithe agus cothrom ann a rachadh chun tairbhe na saoránach agus d'aithin siad an tábhacht a bhaineann le cur chun feidhme an chláir oibre chuimsithigh a glacadh ag ruinniú ullaigh an G-20 i mí na Samhna 2015.

Ba dhíol sásaimh dóibh freisin gur glacadh clár oibre 2030 don fhorbairt inbhuanaithe agus an comhaontú stairiúil maidir leis an athrú aeráide ar thángthas air i bPáras.

Féach freisin

• Cúlra faisnéise
• An Caidreamh idir an tAontas Eorpach agus an India (an tSeirbhís Eorpach Gníomhaíochta Seachtraí)
• Bileog eolais faoin gcaidreamh idir an tAontas Eorpach agus an India (SEGS)
• An tAontas Eorpach agus an India: sonraí faoin gcaidreamh eacnamaíoch (Eurostat)