Summit bejn l-UE u ċ-Ċina, Beijing, 12-13/07/2016, 12 u 13 ta' Lulju 2016

It-18-il summit bilaterali bejn l-UE u ċ-Ċina sar fit-12 u t-13 ta’ Lulju f’Beijing.

Il-President tal-Kunsill Ewropew Donald Tusk u l-President tal-Kummissjoni Ewropea Jean-Claude Juncker irrappreżentaw lill-Unjoni Ewropea. Iċ-Ċina kienet irrappreżentata mill-Prim Ministru Li Keqiang.

• Kummenti mill-President Donald Tusk wara t-18-il summit UE-Ċina f’Bejijng
• Remarks by President Donald Tusk at the EU-China summit in Beijing, 12 July 2016
• Ittra mingħand il-President Donald Tusk u l-President Jean-Claude Juncker lill-Prim Ministru Ċiniż Li Keqiang

Ir-relazzjonijiet bejn l-UE u ċ-Ċina

Il-mexxejja għamlu progress fis-sħubija strateġika bejn l-UE u ċ-Ċina.

Ipprovdew gwida politika għat-tlestija tal-ftehim komprensiv dwar l-investiment u ffirmaw pjan direzzjonali għall-enerġija.

Il-mexxejja qablu wkoll li jagħmlu ċiklu ieħor tad-djalogu dwar id-drittijiet tal-bniedem bejn l-UE u ċ-Ċina din is-sena stess fi Brussell.

Sfidi globali

Waqt is-summit, il-mexxejja ddiskutew l-isfidi komuni, inkluż il-protezzjoni tal-ordni internazzjonali bbażat fuq ir-regoli.

Qabel is-summit tal-G20, li ser isir fiċ-Ċina f’Settembru, il-mexxejja qablu li jindirizzaw il-kriżi tal-migrazzjoni fil-livell globali.

L-UE tistenna b'interess ukoll li taħdem mill-qrib maċ-Ċina biex jiġu indirizzati l-prijoritajiet tal-politika barranija, inkluż is-Sirja, l-Iraq, l-Afganistan jew l-Afrika. L-istess jgħodd għal kwistjonijiet globali bħall-assistenza għall-iżvilupp jew it-tibdil fil-klima.

• Background brief on EU-China summit on 12-13 July 2016
• Skeda informattiva: Ir-relazzjonijiet bejn l-UE u ċ-Ċina