Amlíne - An Clár Eoraip na Cruthaitheachta

Is mian leis an Aontas a chinntiú go mbeidh rochtain níos leithne ag ealaíontóirí agus gairmithe cultúrtha agus cruthaitheacha ar dheontais soghluaisteachta an Aontais faoin gclár Eoraip na Cruthaitheachta, agus cur chuige straitéiseach uile-Aontais a chur chun cinn maidir leis an ilteangachas sa timpeallacht dhigiteach.

D’fhormheas na hairí conclúidí maidir le malartuithe idirchultúrtha a threisiú tríd an méid seo a leanas:

• soghluaisteacht ealaíontóirí agus gairmithe cultúrtha agus cruthaitheacha
• ilteangachas sa ré dhigiteach

• Conclúidí ón gComhairle maidir le ‘Malartuithe idirchultúrtha a threisiú trí shoghluaisteacht ealaíontóirí agus gairmithe cultúrtha agus cruthaitheacha, agus tríd an ilteangachas sa ré dhigiteach’

Tá an cultúr agus an tsaoirse cruthaithe ríthábhachtach don Aontas Eorpach agus dá shaoránaigh mar bhealach chun daonlathais agus luachanna a neartú. Tá ról barrthábhachtach ag earnálacha agus tionscail an chultúir agus na cruthaitheachta in éagsúlacht chultúrtha na hEorpa.

box-sizing: border-box; D’fhormheas na hairí conclúidí maidir le straitéis Eorpach a fhorbairt d’éiceachóras thionscail an chultúir agus na cruthaitheachta.

• Conclúidí ón gComhairle maidir le ‘Straitéis Eorpach a fhorbairt d’Éiceachóras Thionscail an Chultúir agus na Cruthaitheachta’

Ghlac an Chomhairle conclúidí maidir le cur chun cinn na scannán Eorpach le cúrsaíocht trasteorann ar shaothair agus ar chomhléiriúcháin chlosamhairc a fheabhsú.

Ghlac an Chomhairle conclúidí maidir le glúine óga cruthaitheacha a chothú. Cuireann na conclúidí sin chun suntais a thábhachtaí atá sé aird a dhíriú ar rochtain na hóige ar an gcultúr, d'fhonn a gcuid scileanna cruthaitheacha, idirchultúrtha agus cumarsáide a fhorbairt.

Chomhaontaigh an Chomhairle a seasamh (cur chuige ginearálta páirteach) i dtaca leis an Rialachán lena mbunaítear an clár darb ainm Eoraip na Cruthaitheachta don tréimhse 2021-2027. Is é is aidhm don chlár:

• éagsúlacht na hEorpa, idir chultúrtha agus theangeolaíoch, agus oidhreacht na hEorpa a chosaint, a fhorbairt agus a chur chun cinn
• iomaíochas na n-earnálacha cultúrtha agus cruthaitheacha a mhéadú, go háirithe an earnáil closamhairc

Thug na hairí dá n-aire tuarascáil ar dhul chun cinn togra le haghaidh chlár nua Eoraip na Cruthaitheachta, 2021-2027. Is iad seo a leanas cuspóirí ginearálta an chláir:

• comhar Eorpach maidir le hilghnéitheacht agus oidhreacht chultúrtha agus teanga a chur chun cinn
• iomaíochas na n-earnálacha cultúrtha agus cruthaitheacha a mhéadú, go háirithe an earnáil closamhairc

• An Chomhairle Oideachais, Óige, Cultúir agus Spóirt, 26-27/11/2018

Thíolaic an Coimisiún a thogra maidir le clár Eoraip na Cruthaitheachta 2021-2027.

Ina theannta sin, chomhaontaigh siad níos mó a dhéanamh i réimse an oideachais agus cultúir, na tosaíochtaí seo a leanas ina measc:

• clár Erasmus+ a dhéanamh níos leithne agus níos cuimsithí
• a chur ar chumas na mac léinn céim a bhaint amach trí dhul i mbun staidéir i gcúpla ceann de thíortha an Aontais
• a áirithiú go mbeidh dhá theanga iasachta Eorpacha, ar a laghad, ag níos mó daoine óga
• an comhar maidir le haitheantas frithpháirteach do dhioplómaí ardoideachais agus fágála scoile a chur chun cinn ar leibhéal an mheánoideachais