Kronoloġija - Il-Programm Ewropa Kreattiva

L-UE trid tiżgura aċċess usa' għall-artisti u l-professjonisti kulturali u kreattivi għal għotjiet għall-mobbiltà tal-UE taħt Ewropa Kreattiva, u tippromwovi approċċ strateġiku għall-UE kollha għall-multilingwiżmu fl-ambjent diġitali.

Il-ministri approvaw konklużjonijiet dwar it-tisħiħ tal-iskambji interkulturali permezz ta':

• il-mobbiltà tal-artisti u l-professjonisti kulturali u kreattivi
• il-multilingwiżmu fl-era diġitali

• Konklużjonijiet tal-Kunsill dwar "It-tisħiħ tal-iskambji interkulturali permezz tal-mobbiltà tal-artisti u l-professjonisti kulturali u kreattivi, u permezz tal-multilingwiżmu fl-era diġitali"

Il-kultura u l-libertà tal-kreazzjoni huma vitali għall-Unjoni Ewropea u ċ-ċittadini tagħha, bħala mezz biex jissaħħu d-demokraziji u l-valuri. Is-setturi u l-industriji kulturali u kreattivi għandhom rwol kruċjali fid-diversità kulturali Ewropea.

box-sizing: border-box; Il-ministri approvaw konklużjonijiet dwar il-bini ta' strateġija Ewropea għall-ekosistema tal-industriji kulturali u kreattivi.

• Konklużjonijiet tal-Kunsill dwar ''Il-Bini ta' Strateġija Ewropea għall-Ekosistema tal-Industriji Kulturali u Kreattivi"

Il-Kunsill adotta konklużjonijiet dwar il-promozzjoni ta' xogħlijiet ta' films Ewropej bit-titjib fiċ-ċirkolazzjoni transkonfinali ta' kreazzjonijiet u koproduzzjonijiet awdjoviżivi.

Il-Kunsill adotta konklużjonijiet dwar it-trawwim ta' ġenerazzjonijiet ta' żgħażagħ kreattivi. Dawn il-konklużjonijiet jenfasizzaw l-importanza tal-aċċess tal-ġenerazzjoni żagħżugħa għall-kultura, sabiex tiżviluppa ħiliet kreattivi, interkulturali u ta' komunikazzjoni.

Il-Kunsill qabel dwar il-pożizzjoni tiegħu (approċċ ġenerali parzjali) fuq ir-regolament li jistabbilixxi l-programm Ewropa Kreattiva għall-2021-2027. Il-programm għandu l-għan li:

• jissalvagwardja, jiżviluppa u jippromwovi d-diversità u l-wirt kulturali u lingwistiku Ewropew
• tiżdied il-kompetittività tas-setturi kulturali u kreattivi, b’mod partikolari f’dik tas-settur awdjoviżiv

Il-ministri ħadu nota ta' rapport ta' progress dwar proposta għal programm ġdid ta' Ewropa Kreattiva 2021-2027. L-objettivi ġenerali tal-programm huma:

• il-promozzjoni tal-kooperazzjoni Ewropea fid-diversità u l-wirt kulturali u lingwistiku
• iż-żieda fil-kompetittività tas-setturi kulturali u kreattivi, b’mod partikolari fis-settur awdjoviżiv.

• Kunsill Edukazzjoni, Żgħażagħ, Kultura u Sport, 26-27/11/2018

Il-Kummissjoni ppreżentat il-proposta tagħha dwar il-programm Ewropa Kreattiva 2021–2027.

Il-mexxejja tal-UE qablu wkoll li jaħdmu aktar fil-qasam tal-edukazzjoni u l-kultura, inkluż il-prijoritajiet li ġejjin:

• iwessgħu l-programm Erasmus+ u jagħmluh aktar inklużiv
• jippermettu li studenti jiksbu lawrja billi jikkombinaw l-istudji f’diversi pajjiżi tal-UE
• jiżguraw li aktar żgħażagħ Ewropej jitkellmu mill-anqas żewġ lingwi barranin Ewropej
• jippromwovu l-kooperazzjoni dwar ir-rikonoxximent reċiproku ta' ċertifikati ta' edukazzjoni għolja u ta' tmiem l-iskola fil-livell ta' edukazzjoni sekondarja