Amlíne — Clár Erasmus+

Ghlac an Chomhairle agus an Pharlaimint an Rialachán maidir le Erasmus.

Tháinig Uachtaránacht na Gearmáine ar an gComhairle agus foireann chaibidlíochta Pharlaimint na hEorpa ar chomhaontú sealadach maidir leis an gclár Erasmus+.

Inniu, ghlac an Chomhairle a seasamh (cur chuige ginearálta páirteach) maidir le clár Erasmus+ do 2021-2027. Leis an togra atá beartaithe leathnófar an tairiscint ar dheiseanna foghlama san Eoraip agus níos faide i gcéin do níos mó daoine le hais na tréimhse reatha. Cuirfear léi freisin sa dóigh go n-áiritheofar gach leibhéal oideachais agus oiliúna.

Thíolaic an Coimisiún a thogra le haghaidh chlár nua Erasmus+ do 2021-2027.

Bhí díospóireacht bheartais ag na hairí oideachais faoin meastóireacht mheántéarma ar chlár Erasmus+ agus treoshuíomh amach anseo i ndiaidh 2020. Ar na bearta a dhírigh siad orthu bhí na bearta seo a leanas:

• rannpháirtíocht níos leithne a spreagadh, mar shampla ó réigiúin fhorimeallacha agus réigiúin atá tite chun deireadh ó thaobh na socheacnamaíochta de, chomh maith le raidhse níos leithne rannpháirtithe
• cabhrú le cumas nuálaíochta na hEorpa a neartú trí dhaoine a bhfuil cumas agus cruthaitheacht iontu a mhealladh

Ag an gcruinniú den Chomhairle Eorpach i mí na Nollag seo caite, d'iarr ceannairí Eorpacha ar na Ballstáit, ar an gComhairle agus ar an gCoimisiún "borradh a chur faoin tsoghluaisteacht agus faoi mhalartuithe le clár cuimsitheach leathnaithe Erasmus+ a bheidh treisithe go mór".

Ar an 17 Samhain, in Göteborg na Sualainne, rinne Donald Tusk cathaoirleacht ar an gcéad díospóireacht faoi chlár oibre na gceannairí. Feabhas a chur ar iarrachtaí an Aontais i réimse an oideachais agus cultúir ba chuspóir leis. I ndiaidh na díospóireachta sin, ghlac Comhairle Eorpach mhí na Nollag conclúidí maidir le cúrsaí oideachais agus cultúir, trí thosaíochtaí a leagan amach amhail cláir Erasmus agus staidéar teanga a neartú.

Ghlac an Chomhairle cinneadh maidir le soghluaisteacht mac léinn agus comhar níos fearr idir ollscoileanna a chur chun cinn.