Kronoloġija - Programm Erasmus+

Ir-regolament dwar l-Erasmus ġie adottat mill-Kunsill u l-Parlament.

Il-presidenza Ġermaniża tal-Kunsill u t-tim tan-negozjati tal-Parlament Ewropew kisbu ftehim proviżorju dwar il-programm Erasmus+.

• Erasmus+ 2021-2027: Il-Kunsill jilħaq ftehim proviżorju mal-Parlament Ewropew

Illum, il-Kunsill adotta l-pożizzjoni tiegħu (approċċ ġenerali parzjali) dwar il-programm Erasmus+ għall-2021-2027. Ir-regolament propost ser jespandi l-offerta ta' opportunitajiet ta' tagħlim fl-Ewropa u lil hinn minnha lil aktar persuni meta mqabbla mal-perjodu attwali. Ser ikun estiż ukoll biex jinkludi l-livelli kollha tal-edukazzjoni u t-taħriġ.

• L-espansjoni u t-tisħiħ ta' Erasmus+: Il-Kunsill jaqbel dwar il-pożizzjoni tiegħu

Il-Kummissjoni ppreżentat il-proposta tagħha għall-programm Erasmus+ il-ġdid għall-2021-2027.

Il-ministri għall-edukazzjoni kellhom dibattitu ta' orjentazzjoni dwar l-evalwazzjoni ta' nofs it-terminu tal-programm Erasmus+ u l-orjentazzjonijiet futuri għal wara l-2020. Il-miżuri li ffukaw fuqhom jinkludu:

• li titħeġġeġ parteċipazzjoni akbar fil-programm, b'mod partikolari mir-reġjuni periferiċi u mir-reġjuni li għadhom lura mil-lat soċjoekonomiku, kif ukoll firxa akbar ta' parteċipanti
• li jingħata kontribut biex tissaħħaħ il-kapaċità tal-Ewropa għall-innovazzjoni billi jiġu attratti t-talent u l-kreattività

• Kunsill Edukazzjoni, Żgħażagħ, Kultura u Sport dwar l-edukazzjoni, 15/02/2018

Matul il-laqgħa tal-Kunsill Ewropew ta' Diċembru li għadda, il-mexxejja Ewropej appellaw lill-istati membri, lill-Kunsill u lill-Kummissjoni biex "iżidu l-mobbiltà u l-iskambji, inkluż permezz ta' programm Erasmus+ sostanzjalment imsaħħaħ, inklużiv u estiż".

• Kunsill Ewropew, 14-15/12/2017

Donald Tusk ippresieda l-ewwel dibattitu fl-Aġenda tal-Mexxejja f'Gothenburg fis-17 ta' Novembru, bl-għan li jissaħħu l-isforzi tal-UE fil-qasam tal-edukazzjoni u l-kultura. Bħala segwitu għal dan id-dibattitu, il-Kunsill Ewropew ta' Diċembru adotta konklużjonijiet dwar l-edukazzjoni u l-kultura, filwaqt li stabbilixxa prijoritajiet bħal aktar skambji Erasmus u studji tal-lingwa.

• Laqgħa informali tal-kapijiet ta' stat jew ta' gvern, 17/11/2017

Il-Kunsill adotta deċiżjoni biex jippromwovi l-mobbiltà tal-istudenti u kooperazzjoni akbar bejn l-universitajiet.

• 87/327/KEE: Deċiżjoni tal-Kunsill tal-15 ta' Ġunju 1987 li tadotta l-Iskema ta' Azzjoni tal-Komunità Ewropea għall-Mobbiltà tal-Istudenti Universitarji (Erasmus)