An t-athchóiriú ar trádmharcanna: Dearbhaíonn an Chomhairle an comhaontú leis an bParlaimint

An 10 Meitheamh 2015, d'fhormheas Coiste Buanionadaithe na Comhairle (Coreper) comhaontú comhréitigh maidir le hathchóiriú a dhéanamh ar chóras trádmhairc na hEorpa.

Le hathchóiriú an chórais reatha cuirfear feabhas ar na dálaí do ghnólachtaí chun críoch nuála agus chun tairbhe a bhaint as cosaint trádmharcanna níos éifeachtaí ar ghóchumadh, lena n-áirítear earraí bréige in idirthuras trí chríoch an Aontais.

Tá an creat dlíthiúil nua dírithe freisin ar chórais chlárúcháin trádmharcanna ar fud an Aontais Eorpaigh a dhéanamh níos inrochtana agus níos éifeachtúla do ghnólachtaí ó thaobh costas níos ísle agus níos lú castachta, luas méadaithe, níos mó intuarthachta agus deimhneacht dhlíthiúil níos fearr.

Na chéad chéimeanna eile

Nuair a fhormhuineoidh Coiste um Ghnóthaí Dlíthiúla de chuid na Parlaiminte an comhaontú comhréitigh, tiocfaidh na téacsanna dlíthiúla ar ais chuig an gComhairle le haghaidh comhaontú polaitiúil, agus déanfar an gnáth-athbhreithniú dlítheangeolaíoch ina dhiaidh sin sula nglacfar seasamh na Comhairle go foirmiúil ar an gcéad léamh.

Ina dhiaidh sin, caithfear vóta ar na téacsanna ar an dara léamh ag seisiún iomlánach de chuid Pharlaimint na hEorpa.

• Dréacht-Rialachán lena leasaítear Rialachán 207/2009 maidir leis an trádmharc Comhphobail
• Dréacht-Treoir maidir le comhfhogasú dhlíthe na mBallstát a bhaineann le trádmharcanna
• Athchóiriú ar thrádmharcanna: Tagann an Uachtaránacht ar chomhaontú sealadach