Síneadh dhá bhliain curtha leis an íosráta cánach breisluacha (CBL)

Ar an 25 Bealtaine 2016, ghlac an Chomhairle treoir lena gcoimeádfar an t-íosráta caighdeánach CBL ag 15% go ceann dhá bhliain eile.

Is chuige an t-íosráta caighdeánach sin dibhéirseacht iomarcach i rátaí CBL a chuireann na Ballstáit i bhfeidhm a chosc, maraon leis na míchothromaíochtaí struchtúracha nó an saobhadh iomaíochais a d’fhéadfadh éirí as sin. Cuireadh íosráta caighdeánach 15% i bhfeidhm go dtí an 31 Nollaig 2015.

I bhfianaise a bhfuil de phlé ar siúl faoi láthair i ndáil le rialacha cinntitheacha le haghaidh réimse Eorpach aonair CBL, déantar leis an treoir sin an t-íosráta caighdeánach a shíneadh le haghaidh tréimhse atá fada go leor chun cinnteacht dhlíthiúil a áirithiú. Leis sin coimeádtar an t-íosráta caighdeánach CBL ag 15% ón 1 Eanáir 2016 go dtí an 31 Nollaig 2017.

Glacadh an treoir gan aon phlé ag cruinniú de chuid na Comhairle Gnóthaí Eacnamaíocha agus Airgeadais.

• 2016 draft directive maintaining the minimum standard VAT rate
• Plean gníomhaíochta maidir le CBL, i dtreo Limistéar CBL aonair san Aontas