"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.

Féach ár leathanach beartais maidir le fianáin chun tuilleadh eolais a fháil agus chun do shocruithe a athrú.

български español čeština dansk Deutsch eesti Ελληνικά English français Gaeilge hrvatski italiano latviešu lietuvių magyar Malti Nederlands polski português română slovenčina slovenščina suomi svenska
Skip to content

Cánachas

A ndéanann an tAontas chun rialacha áirithe cánach a chomhchuibhiú chun tacú le feidhmiú an mhargaidh aonair, chun cothrom na Féinne a chinntiú agus chun an chalaois a chomhrac.

Ní fhorchuireann an tAontas cánacha. Is iad na Ballstáit a shocraíonn rátaí cánach, a bhailíonn cánacha agus a chinneann conas a chaitear ioncam cánach.

Mar sin féin, rinneadh roinnt rialacha náisiúnta cánach a chomhchuibhiú san Aontas chun feidhmiú an mhargaidh aonair a bhunú agus a chinntiú.

Is í an Chomhairle an t-aon reachtóir amháin maidir le cúrsaí cánach an Aontais.

Lámh i ngreim áireamháin agus dearbhú cánach sa chúlra.

A ndéanann an tAontas maidir le cánachas

Úsáidtear cánacha chun seirbhísí riachtanacha a mhaoiniú, mar shampla an t-oideachas, cúram sláinte, an tsábháilteacht, infheistíochtaí i mbonneagar agus tosaíochtaí tábhachtacha eile.

Déanann an tAontas gnéithe sonracha de dhlíthe cánach a ailíniú agus a chomhchuibhiú chun feidhmiú cuí an mhargaidh aonair a chinntiú.

Is d’aon toil a dhéanann an Chomhairle cinntí maidir le rialacháin chánach agus treoracha cánach. Téitear i gcomhairle leis an bParlaimint.

A ndéanann an tAontas chun an chalaois chánach a chomhrac

Cuireann an tAontas dea-rialachas cánach, cánachas cothrom agus trédhearcacht chánach dhomhanda chun cinn chun an chalaois chánach, imghabháil cánach agus seachaint cánach a chomhrac san Aontas agus go hidirnáisiúnta araon.

Liosta an Aontais de dhlínsí neamh-chomhoibríocha chun críoch cánach

Ina comhrac i gcoinne na himghabhála cánach agus na seachanta cánach, bhunaigh an Chomhairle liosta de na dlínsí nach gcomhoibríonn leis na Ballstáit agus nár chomhlíon a ngealltanais maidir le critéir dea-rialachais cánach nó a dhiúltaigh déanamh amhlaidh; nuashonraíonn an Chomhairle an liosta sin go rialta.

Mar thoradh ar an liosta sin, ní féidir cistí ó roinnt ionstraimí de chuid an Aontais, an Ciste Eorpach um Fhorbairt Inbhuanaithe Plus (CEFI+) nó an Ciste Eorpach le haghaidh Infheistíochtaí Straitéiseacha (CEIS), cuir i gcás, a threorú trí na dlínsí sin.

Cánachas sa ré dhigiteach

De réir mar a dhéantar geilleagair a dhigitiú níos mó agus níos mó, ní mór rialacha cánach a thabhairt cothrom le dáta chun a chinntiú go n-íocfaidh gach earnáil dár ngeilleagair a gcion cothrom cánacha agus go rannchuideoidh siad le feidhmiú na sochaí.

Oibríonn an tAontas chun nuashonrú a dhéanamh ar na rialacha ábhartha cánach i réimse an chánachais dhírigh (cánachas corparáideach) agus an chánachais indírigh (CBL agus dleachtanna máil), agus ar an gcomhar riaracháin idir na Ballstáit.

Is suntasach an borradh a chuireann an tAontas faoin athchóiriú leanúnach domhanda ar rialacha idirnáisiúnta maidir le cánachas corparáideach.

Cabhraíonn an tAontas le rialacha cánach a chur in oiriúint don ré dhigiteach.

Na blaisíní breise is déanaí

Cánachas digiteach

Tugtar le chéile san íomhá siombail chéatadáin, áireamhán priontála admhála agus málaí siopadóireachta chun coincheap a bhaineann le costais siopadóireachta, cáin nó lascainí a chur in iúl go físiúil.

Cáin bhreisluacha (CBL) san Aontas

Léaráid de sheilfeanna stórais ar a bhfuil boscaí cairtchláir, le scanóir barrachód láimhe ag díriú orthu agus línte ciorcaid dhigitigh stílithe sa chúlra chun rialú uathoibrithe digiteach stoic a thabhairt le fios.

An tAontas Custaim a nuachóiriú

An t-athbhreithniú deireanach: an 18 Lúnasa 2026