Żjarat ta' gruppi fil-Kunsill

Norganizzaw żjarat għal gruppi ta' mill-inqas 20 parteċipant b'kull waħda mill-24 lingwa uffiċjali tal-UE.

Dawn huma bla ħlas u adatti għal kull persuna ta' aktar minn15-il sena. Iż-żjarat ta' gruppi jdumu bejn siegħa u sagħtejn, skont il-programm.

Iż-żjarat ta' gruppi għandhom jintalbu mill-inqas 3 xhur qabel.

Kif tirriżerva żjara ta' grupp

Ladarba nirċievu t-talba tiegħek, nikkuntattjawk biex nikkonfermawlek iż-żjara.

Il-talba għandha ssir minn:

• il-kap tal-grupp
• rappreżentant tal-istabbiliment edukattiv jew tal-korp studentesk li jeħtieġ ukoll jakkumpanja lill-grupp matul iż-żjara

Peress li ż-żjarat ta' gruppi huma popolari ħafna, ma nistgħux niggarantixxu li t-talba tiegħek tista' tintlaqa'.

Għal raġunijiet ta' organizzazzjoni, nirriżervaw id-dritt li ngħaqqdu żewġ gruppi kompatibbli flimkien.

X'inhuma l-għażliet għal żjarat ta' gruppi?

Għal gruppi, noffru firxa ta' għażliet:

• sessjonijiet ta' informazzjoni
• żjarat fuq il-post fil-binjiet tal-Kunsill
• żjara fiċ-Ċentru tal-Viżitaturi

Sessjonijiet ta' informazzjoni

L-esperti tagħna li jaħdmu fil-Kunsill jipprovdu tagħrif dwar l-esperjenza tax-xogħol tagħhom f'dar l-istati membri. Is-sessjonijiet ta' informazzjoni huma interattivi u l-viżitaturi huma mħeġġa jagħmlu mistoqsijiet.

Is-sessjonijiet ta' informazzjoni jistgħu jkunu:

• introduzzjoni ġenerali għall-Kunsill Ewropew u l-Kunsill
• jew dwar suġġett aktar speċifiku

Żjarat fuq il-post fil-binjiet tal-Kunsill

Norganizzaw laqgħat fil-binjiet tal-Kunsill fejn jiltaqgħu l-mexxejja u l-ministri tal-UE.

Peress li l-Kunsill huwa post tax-xogħol, ċerti żoni jew binjiet jistgħu xi kultant jingħalqu għall-pubbliku mingħajr avviż. Ebda rotta ma hija garantita, u għal gruppi kbar jista' jkun hemm xi limitazzjonijiet.

Ċentru tal-Viżitaturi

Il-gruppi jistgħu jżuru wkoll iċ-Ċentru tal-Viżitaturi tal-Kunsill. Dan joffri firxa ta' attivitajiet interattivi u esperjenza multimedjali ta' immersjoni.

Hawnhekk tista' titgħallem dwar il-ħidma tal-Kunsill u dwar kif l-istati membri tal-UE jaħdmu flimkien biex isibu soluzzjonijiet komuni u jsawru l-ġejjieni tal-Ewropa.

Ippjana ż-żjara tiegħek

Meta jistgħu jsiru żjarat ta' gruppi?

Żjarat ta' gruppi jistgħu jiġu organizzati fil-biċċa l-kbira tal-ġranet ta' fost il-ġimgħa bejn:

• id-9:00 u l-11:00
• is-13:30 u l-16:00

Ma jsirux żjarat ta' gruppi f'Awwissu.

Il-bini Justus Lipsius
Rue de la Loi/Wetstraat 175
B-1048 Bruxelles/Brussel
Belgique/België

Il-bini Lex
Rue de la Loi/Wetstraat 145
B-1048 Bruxelles/Brussel
Belgique/België

Il-bini Europa
Rue de la Loi/Wetstraat 175
B-1048 Bruxelles/Brussel
Belgique/België

Fejn isiru ż-żjarat ta' gruppi?

Is-sessjonijiet ta' informazzjoni u ż-żjarat fuq il-post isiru f'waħda mill-binjiet tal-Kunsill fi Brussell:

• il-bini Justus Lipsius
• il-bini Lex
• il-bini Europa

Iċ-Ċentru tal-Viżitaturi jinsab fil-bini Justus Lipsius.

Fil-qrib hemm stazzjonijiet tal-ferrovija u tal-metro u waqfiet għall-karozzi tal-linja.

Sigurtà u aċċessibbiltà

Kull membru tal-grupp irid iġib passaport jew karta tal-identità nazzjonalivalida biex jidħol fil-bini tagħna. Ma naċċettawx tipi oħra ta' identifikazzjoni personali.

Gruppi minn skejjel irid ikollhom magħhom mill-inqas adult wieħed għal kull 10 studenti.

Il-bini tal-Kunsill huwa aċċessibbli għall-persuni b'mobbiltà mnaqqsa.

Kanċellazzjoni

Nirriżervaw id-dritt li nħassru ż-żjara skedata ta' grupp li ma jissodisfax ir-rekwiżiti tal-aċċess.

Jista' jkun li jkollna nikkanċellaw żjarat li jkunu diġà ġew ikkonfermati, anke b'avviż fl-aħħar minuta, f'ċirkostanzi eċċezzjonali li jirriżultaw minn żviluppi politiċi jew laqgħat tal-Kunsill fl-aħħar mument.

Teħtieġ aktar tagħrif?

Ikkuntattja lit-tim taż-żjarat tal-Kunsill: