Applikazzjonijiet għall-ażil fl-UE

962 160 ċittadin mhux tal-UE applikaw għall-ażil fl-UE fl-2022. F'din il-paġna ssib aktar informazzjoni dwar:

• ix-xejriet fl-għadd ta' persuni li jfittxu l-ażil fl-UE
• il-pajjiżi ta' oriġini tal-applikanti għall-ażil
• l-għadd ta' applikazzjonijiet f'kull pajjiż tal-UE

Iċ-ċifri jinkludu kemm applikanti għall-ażil għall-ewwel darba kif ukoll applikazzjonijiet sussegwenti.

Ix-xejra fl-applikazzjonijiet għall-ażil (1990-2022)

L-applikazzjonijiet għall-ażil fl-UE laħqu l-ogħla livell fl-2015 u l-2016 u naqsu minn hemm 'il quddiem. Bejn l-2021 u l-2022 kien hemm żieda ta' 52%.

Iċ-ċifri mill-2020 'il quddiem ma jinkludux applikazzjonijiet li saru fir-Renju Unit (wara l-ħruġ tiegħu mill-UE).

Pajjiżi ta' oriġini tal-applikazzjonijiet għall-ażil (2022)

Is-Sirjani, l-Afgani, it-Torok u l-Venezweljani ppreżentaw l-akbar għadd ta' applikazzjonijiet għall-ażil, li flimkien jammontaw għal kważi 40% tal-applikazzjonijiet kollha fl-istati membri tal-UE fl-2022.

Mill-2013, is-Sirja kienet il-pajjiż ta' ċittadinanza tal-akbar għadd ta' persuni li jfittxu ażil fl-UE. Fl-2022, is-Sirjani ppreżentaw 135 465 applikazzjoni.

Din iċ-ċart turi biss il-pajjiżi bl-ogħla numri ta' applikazzjonijiet (1 000 jew aktar).

Għadd ta' applikazzjonijiet għall-ewwel darba f'kull pajjiż tal-UE (2022)

Fl-2022, il-Ġermanja rċeviet kwart (25%) tal-applikazzjonijiet għall-ażil fl-UE, segwita minn:

• Franza (16%)
• Spanja (12%)
• Awstrija (11%)
• Italja (9%)

Dawn il-ħames stati membri tal-UE flimkien irċevew kważi tliet kwarti tal-applikazzjonijiet kollha għall-ażil għall-ewwel darba fl-UE.

Aktar informazzjoni:

• Ir-riforma tar-regoli tal-UE dwar l-ażil (informazzjoni ġenerali)
• Statistika dwar l-ażil (Eurostat)
• L-aħħar xejriet tal-ażil (l-aġenzija tal-UE għall-ażil)