Konklużjonijiet tal-Kunsill dwar l-istrateġija globali għall-politika estera u ta' sigurtà tal-UE

Il-Kunsill iddiskuta s-segwitu għall-istrateġija globali tal-UE għall-politika estera u ta' sigurtà "Viżjoni kondiviża, azzjoni komuni: Ewropa aktar b'saħħitha" u adotta konklużjonijiet.

Il-ħidma dwar l-implimentazzjoni tal-istrateġija globali tal-UE hija mistennija tiffoka fuq ħames oqsma ta’ prijorità għall-2016-2017:

• L-iżvilupp tar-reżiljenza u approċċ integrat għall-konflitti u l-kriżijiet;
• Is-sigurtà u d-difiża;
• It-tisħiħ tar-rabta bejn il-politiki interni u esterni;
• L-aġġornament ta’ strateġiji reġjonali u tematiċi eżistenti jew it-tħejjija ta’ oħrajn ġodda;
• It-titjib tal-isforzi tad-diplomazija pubblika.

Barra minn hekk, id-drittijiet tal-bniedem kif ukoll in-nisa, il-paċi u s-sigurtà u l-ugwaljanza bejn is-sessi u t-tisħiħ tal-pożizzjoni tan-nisa ser ikomplu jiġu integrati fil-politiki esterni kollha tal-UE.

• Konklużjonijiet tal-Kunsill dwar l-Istrateġija Globali għall-Politika Estera u ta’ Sigurtà tal-Unjoni Ewropea