Acmhainní oideachais: teagasc, foghlaim, spraoi

Tá ábhair teagaisc agus foghlama na Comhairle dírithe ar aoisghrúpaí agus ar thimthriallta oideachais éagsúla.

Oideachas réamhscolaíochta agus bunscolaíochta

An múinteoir réamhscoile nó bunscoile thú a bhfuil acmhainní á lorg agat atá oiriúnach do leanaí agus réidh le húsáid chun bunghnéithe an Aontais Eorpaigh a mhúineadh do do dhaltaí?

Cuirimid réimse ábhar foghlama ar fáil atá deartha go sonrach do dhaltaí atá suas le 10 mbliana d’aois. Áirítear leo siúd:

• scéalta maisithe
• leabhair chleachtaidh
• uirlisí foghlama idirghníomhacha atá cosúil le tráth na gceist
• leabhair dhathúcháin
• treoirleabhair an mhúinteora

Oideachas meánscoile agus ardoideachas

An múinteoir meánscoile, léachtóir ollscoile nó gairmí eile san oideachas saoránach thú a bhfuil acmhainní iontaofa úsáideacha á lorg agat faoin gComhairle Eorpach agus faoi Chomhairle an Aontais Eorpaigh?

I measc na n-acmhainní a chuirimid ar fáil don mheánoideachas agus don ardoideachas, tá:

• an ‘pacáiste oideachais saoránachta’ – ceachtanna réamhullmhaithe atá curtha in oiriúint do dhaltaí agus scoláirí sna haoisghrúpaí 12-19 agus 17-25
• ‘aire ar feadh lae’ –cluiche ionsamhlúcháin na Comhairle do dhaltaí meánscoile agus mic léinn ollscoile atá 16 bliana déag d’aois nó níos sine
• ‘Europa Quest’ – uirlis foghlama atá cosúil le tráth na gceist atá oiriúnach do dhaltaí meánscoile agus do mhic léinn ollscoile, agus í ceaptha chun comhoibriú agus comhfhoghlaim a spreagadh

Cluichí agus quizeanna

Bain amach do chuspóirí foghlama agus bíodh spraoi agat ag an am céanna!

Féach ar chluichí oideachasúla na Comhairle anseo:

• glac ról aire agus glac cinntí i gComhairle an Aontais Eorpaigh — fútsa atá sé cinntí a dhéanamh le EUcraft
• cas an roth agus cuir do chuid eolais ar an triail le ChallengEU

Foilseacháin agus físeáin

An bhfuil fíricí agus figiúirí á lorg agat faoin Aontas, faoina stair agus faoina institiúidí?

Ar mhaith leat fios a bheith agat cé mar a dhéantar dlíthe an Aontais? Ar mhaith leat tuiscint a bheith agat ar ról na Comhairle Eorpaí agus na Comhairle?

Tá a bhfuil uait le fáil sna bróisiúir, sna bileoga eolais agus sna físeáin. É oiriúnach do dhaltaí atá 14 bliana d’aois nó níos sine.

Tabhair cuairt ranga ar an gComhairle

Tig leat cuairt a thabhairt ar fhoirgnimh na Comhairle sa Bhruiséil nó tabhairt faoi thuras fíorúil. Bain lán do shúl amach – cuirfidh sé le do chuid foghlama.

Cuir seisiún eolais in áirithe agus tabhair an tAontas Eorpach isteach i do sheomra ranga nó tabhair do sheomra ranga chuig an Aontas Eorpach.