An Grúpa Euro, 07/07/2015, 7 Iúil 2015

Na príomhthorthaí

D'fhear an Grúpa Euro fáilte roimh Aire nua Airgeadais na Gréige Euclid Tsakalotos a chuir an staid sa Ghréig tar éis an reifreann an 5 Iúil 2015 i láthair. 

Bhí malartú tuairimí ag an nGrúpa Euro maidir leis an mbealach ar aghaidh. 

I ndiaidh an chruinnithe, d'fhógair Uachtarán an Ghrúpa Euro, Jeroen Dijsselbloem, go bhfuil Rialtas na Gréige chun iarraidh nua a thíolacadh le haghaidh cúnamh airgeadais ón Sásra Cobhsaíochta Eorpach (SEC). Táthar ag súil leis an iarraidh amárach, an 8 Iúil 2015.  

Tá an Grúpa Euro réidh chun glao comhdhála a thionóil ar an lá céanna tar éis an iarraidh a fháil.

Tar éis an iarraidh a thíolacadh, iarrfaidh Uachtarán an Ghrúpa Euro ar na hinstitiúidí - An Coimisiún Eorpach, an Banc Ceannais Eorpach agus an Ciste Airgeadaíochta Idirnáisiúnta - measúnú agus anailís a dhéanamh ar riachtanais maoinithe na Gréige agus ar inbhuanaitheacht an fhiachais.  Tar éis an mheasúnaithe beidh an Grúpa Euro in ann cinneadh a dhéanamh maidir le cibé acu an bhféadfaí tús a chur leis an idirbheartaíocht fhoirmiúil. 

“Is gá an méid seo ar fad a dhéanamh taobh istigh de chúpla lá, mar níl mórán ama againn”, a dúirt J.Dijsselbloem.

De réir rialacha SCE agus conarthaí an Aontais, cuirtear cúnamh airgeadais ar fáil do na Ballstáit faoi choinníollacha dochta. D'imigh an socrú deiridh a bhí ag an nGréig maidir le cúnamh airgeadais leis an tSaoráid Eorpach um Chobhsaíocht Airgeadais in éag an 30 Meitheamh 2015. 

• Ráiteas ó Jeroen Dijsselbloem, Uachtarán an Ghrúpa Euro, tar éis an reifrinn sa Ghréig
• an Sásra Cobhsaíochta Eorpach