"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
Phléigh na hairí tabhairt isteach an euro sa Chróit, ar bhonn na dtuarascálacha maidir le cóineasú ón gCoimisiún agus BCE. Chinn siad é a mholadh go mbeadh an Chróit ar an 20ú ball den limistéar euro.
Éacht thar a bheith tuillte é sin don Chróit, agus tugann Grúpa an Euro agus institiúidí an Aontais Eorpaigh aitheantas don tiomantas agus don obair urghnách a dhéanann an Príomh-Aire Plenković, an tAire Marić agus ár gcomhghleacaithe uile i rialtas na Cróite ag comhlíonadh na gcéimeanna ar fad is gá chun páirt a ghlacadh inár n-airgeadra comhroinnte. Léiríonn sé gur aontas é an euro, atá ina airgeadra fisiciúil 20 bliain i mbliana, atá ag fás agus a bheidh níos láidre tríd an bhfás. Thar aon ní eile, is siombail é den chaoi a mbainimid úsáid as ár gcomhtháthú agus as ár n-idirspleáchas mar fhoinse láidir. Agus an cinneadh a rinne an Grúpa Euro fáilte a chur roimh an gCróit isteach sa teaghlach sin agus an tiomantas atá ag an gCróit ballraíocht a ghlacadh inár ngrúpa, is comhartha é sin ar an teacht aniar sin.
Paschal Donohoe, Uachtarán an Ghrúpa Euro
Phléigh an Grúpa Euro an 14ú tuarascáil faireachais fheabhsaithe ar an nGréig. Ba dhíol sásaimh don Ghrúpa Euro an measúnú a rinne na hinstitiúidí Eorpacha go bhfuil na coinníollacha is gá i bhfeidhm chun scaoileadh an seachtú tráinse de bhearta fiachais atá teagmhasach ó thaobh beartais de, ar fiú €748 milliún iad, a dhearbhú. D’eisigh an Grúpa Euro ráiteas, inar díol sásaimh dó, i measc nithe eile, an rún atá ag an gCoimisiún Eorpach gan síneadh a chur le faireachas feabhsaithe tar éis dó dul in éag an 20 Lúnasa 2022, ós rud é gur comhlíonadh formhór ghealltanais bheartais na Gréige go rathúil.
I bhfianaise an dul chun cinn atá déanta ag an Aire Staikouras, rialtas na Gréige agus muintir na Gréige, ba dhíol sásaimh dúinn rún an Choimisiúin Eorpaigh gan síneadh a chur leis an bhfaireachas feabhsaithe ar gheilleagar na Gréige tar éis don chlár dul in éag ag deireadh mhí Lúnasa. Is éacht é sin. D’aithin an Grúpa Euro é mar thráth cinniúnach nuair a chuir an tAire Staikouras an dul chun cinn i láthair.
Paschal Donohoe, Uachtarán an Ghrúpa Euro
Príomhphointí ó chruinniú an Ghrúpa Euro a tionóladh an 16 Meitheamh 2022 i Lucsamburg
Faireachas Iarchláir ar an bPortaingéil, an Chipir, an Spáinn agus Éire
Chuir an Coimisiún Eorpach agus an Banc Ceannais Eorpach (BCE) an Grúpa Euro ar an eolas faoi phríomhthorthaí na dtuarascálacha faireachais iarchláir ar an gCipir, an Phortaingéil, Éire agus an Spáinn.
Clár oibre an Ghrúpa Euro II/2022
Ghlac an Grúpa Euro a chlár oibre don dara leath de 2022 lena gcumhdaítear an tréimhse ó mhí Iúil go mí na Nollag.
Chuir aire na Slóivéine na tosaíochtaí beartais rialtas nua na Slóivéine i láthair. Gnáthchleachtas den Ghrúpa Euro é sin nuair a thagann rialtais nua i mbun oifige.
Cuntas ó BCE maidir leis na cinntí is déanaí ón gComhairle Rialaithe
Chuir BCE na hAirí ar an eolas faoi na cinntí is déanaí ón gComhairle Rialaithe maidir leis an mbeartas airgeadaíochta.
An fhormáid chuimsitheach
An tAontas Baincéireachta
Phléigh na hairí a bhfuil ag titim amach maidir leis an Aontas Baincéireachta, agus ghlac siad ráiteas maidir le todhchaí an Aontais Baincéireachta.
Thángamar ar chomhaontú maidir le plean le haghaidh gníomhaíochtaí nithiúla lena neartófar ár n-aontas baincéireachta a thuilleadh. D’aontaíomar go neartóimid an creat coiteann maidir le bainistiú géarchéime bainc agus freisin do na rialacha lena rialaítear úsáid cistí náisiúnta ráthaithe taiscí. Tabharfaidh an Coimisiún togra ar aghaidh ina leith sin. Thug an Grúpa Euro gealltanas polaitiúil chun an dul chun cinn sin a bhaint amach.
Paschal Donohoe, Uachtarán an Ghrúpa Euro
Ullmhúcháin do Chruinniú Mullaigh Euro mhí an Mheithimh
Mar a fhoráiltear sa Chonradh ar Chobhsaíocht, ar Chomhordú agus ar Rialachas (TSCG), d’ullmhaigh an Grúpa Euro, i bhformáid chuimsitheach, an Cruinniú Mullaigh Euro atá le bheith ar siúl an 24 Meitheamh 2022.
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
Thángamar ar chomhaontú maidir le plean le haghaidh gníomhaíochtaí nithiúla lena neartófar ár n-aontas baincéireachta a thuilleadh. D’aontaíomar go neartóimid an creat coiteann maidir le bainistiú géarchéime bainc agus freisin do na rialacha lena rialaítear úsáid cistí náisiúnta ráthaithe taiscí. Tabharfaidh an Coimisiún togra ar aghaidh ina leith sin. Thug an Grúpa Euro gealltanas polaitiúil chun an dul chun cinn sin a bhaint amach.
