Amlíne — Airteagal 7: an scéal go dtí seo

Tar éis roinnt plé maidir leis an staid mar atá agus sé éisteacht ag an gComhairle Gnóthaí Ginearálta, tháinig deireadh leis an nós imeachta i mí na Bealtaine 2024 nuair a tharraing an Coimisiún siar a thogra réasúnaithe. Tar éis dó anailís a dhéanamh ar phlean gníomhaíochta na Polainne agus ar na gealltanais a rinne rialtas na Polainne, chinn an Coimisiún nach raibh baol soiléir ann go mbeadh sárú tromchúiseach ar an smacht reachta sa Pholainn.

Chuir Parlaimint na hEorpa tús le nós imeachta Airteagal 7(1) i gcoinne na hUngáire. Tar éis roinnt plé a dhéanamh ar an staid mar atá agus tar éis seacht n-éisteacht ag an gComhairle Gnóthaí Ginearálta, tá an nós imeachta fós ar siúl.

Chuir an Coimisiún nós imeachta Airteagal 7(1) i ngníomh den chéad uair riamh, i gcoinne na Polainne.

Le Conradh Nice, tugadh isteach Airteagal 7(1), lena bhforáiltear go bhféadfaidh an Chomhairle, ag gníomhú di trí thromlach, sárú féideartha a shainaithint agus moltaí a chur faoi bhráid an Bhallstáit é a cheartú sula ndéanfar aon ní.

Tar éis géarchéim pholaitiúil san Ostair, comhaontaíodh go raibh gá le céim idirmheánach roimh Airteagal 7, chun rabhadh a thabhairt do Bhallstát gan a chearta a chur ar fionraí go hiomlán.

Tugadh an smacht reachta isteach i gcóras an Aontais den chéad uair le Conradh Amstardam, agus sonraítear in Airteagal 7 den Chonradh sin gur féidir cearta Ballstáit a chur ar fionraí má sháraíonn sé luachanna an Aontais faoi Airteagal 2 CAE.