An smacht reachta

Is cuid bhunúsach de luachanna agus d’fheidhmiú an Aontais Eorpaigh é an smacht reachta, lena bhféachtar chuige go ndéantar cearta na saoránach a chosaint agus dlí an Aontais a chur chun feidhme.

Cuireann an tAontas an smacht reachta i bhfeidhm trí chreat dlíthiúil struchtúrtha agus trí shásraí a ceapadh chun luachanna an Aontais a chosaint agus chun dul i ngleic le sáruithe.

Colláis ina bhfuil colúin ársa na Gréige, agus íomhá de bhantiarna an cheartais agus scálaí agus claíomh ina glac aici.

An smacht reachta - cad é féin?

Leis an smacht reachta, cuirtear de cheangal ar údaráis phoiblí gníomhú i gcomhréir leis an dlí, rud a chinntíonn an trédhearcacht, an chuntasacht agus an comhionannas. Is próiseas daonlathachiolraíoch reachtóireachta é a áiríonn cosaint bhreithiúnach neamhspleách, rochtain ar cheartas, agus scaradh na gcumhachtaí.

Is luach bunaidh de chuid an Aontais é freisin, luach a chumhdaítear sa Chonradh ar an Aontas Eorpach. Cinntítear, dá réir sin, gur ar chreataí dlíthiúla atá gníomhaíochtaí uile an Aontais bunaithe, creataí lena ráthaítear an comhionannas don uile shaoránach uile agus don uile Bhallstát.

An smacht reachta: cad is fiú é?

Sásraí lena gcoinneofar an smacht reachta ar bun

Baineann an tAontas leas as sásraí éagsúla chun an smacht reachta a chosaint agus a chur chun cinn fud fad an Aontais agus na mBallstát.

Airteagal 7

Tugann sé de chumhacht don Aontas cearta Ballstáit a chur ar fionraí más rud é go sáraíonn go mór, arís agus arís eile, croíluachanna an Aontais.

Idirphlé bliantúil maidir leis an smacht reachta

Is trí athbhreithnithe idir piaraí a dhéanann an Chomhairle an smacht reachta san Aontas agus sna Ballstáit a athbhreithniú.

Na nósanna imeachta maidir le sárú

Féadann an Coimisiún caingean dlí a thionscnamh i gcoinne Ballstáit a mbeadh an smacht reachta á shárú acu agus cásanna a tharchur chuig Cúirt Bhreithiúnais an Aontais Eorpaigh.